假人(笑话)

喺课室里,美芳同学喺度睇紧文字书,阿雄同学走过去取笑佢:「死书呆子,因住愈睇愈呆啊!」
美芳同学口窒窒咁讲:「书...书...中自有黄金屋,书中自有颜...颜...如玉！」
阿雄同学放声大笑:「哈哈哈...美芳同学,唔好死背书啦!真系笑死人啊!」
小峰同学帮美芳同学解围:「阿雄同学你啱!睇书确实唔一定帮你赚到好多钱!但系你有所不知啦!年轻时被东汉大名士许劭赞系『治世能臣,乱世英雄』既曹操、『功成三分国,名成八阵图』既诸葛亮、『一统江山」既刘伯温、『宁为鸡首,不为牛后』既拿破仑同埋『沙漠之狐』隆美尔都有写军事书架!唔通佢哋会自己拆自己台,连自己都唔睇自己写既嘢,咁佢哋写嚟做乜啊?你当人哋傻架咩?我相信你都冇呢个胆量,你系绝世冇胆鬼嚟架嘛!」
阿雄同学坚持咁讲:「我信自己既经验多啲,凡系书本知识我都唔信架!」
小峰同学幽默咁讲:「经验主义者啊!自己既经验固然重要,但系人哋既经验您都唔可以忽视架嘛!一年净系得365日,一日净系得24个钟头,一个人既经验系好有限架!除非您好似齐天大圣孙悟空咁识得72变啦!咁您就会有72种经验!如果唔系既话,就要靠人哋既经验啦!睇文字书就系除咗上网、睇Youtube之外既一种吸收人哋既经验既另一选择!睇文字书学习知识啱晒𠮶啲中意用文字表达既人!再讲,您话凡系书本知识您都唔信,咁您即系话凡系书本知识都系假架啰!咁样既话,如果我将您尊贵既大名写落本书度,咁您呢个人就系假架啰!就系唔存在架啰!咁我即系可以当您冇到啰㖞!吓话?!我再将您既写真相摆落本书度,您既美好身段就唔存在架啦!」
阿雄同学傻傻咁讲:「系啊!我确实唔存在架!我成个人都系假架!连JJ都系假架!我装假狗架我!」
小健同学恍然大悟咁讲:「唔怪之得你𠮶度好似象腿咁粗壮啦!原来装咗假狗!」(如有雷同,实属巧合)