虽然我唔想谂，但系点解人会有不合

有时候，我真系好想大叫：「我好想匿入山窿度啊！」但事实上，我并非想逃避任何事情，而系唔想嘈交。

　感觉上，唔少香港人都系爽快直接，显得我依个男仔有啲唔同。一直以来，我都系讨厌嘈交，但又怕被人误会又想急住澄清自己先系对嘅一方。成件事好矛盾，好天秤座，但其实我又系白羊座，所以星座讲吓就算，不过有星座依样嘢嘅存在反而带来几分诗意。

　你见到好搞笑嘅系，我对于事物嘅睇法都系点到即止。一嚟唔想人哋有hard feeling，同时自己又特别敏感，搞到其实自己想点都唔系太清楚。因为我就系惊不合，就系惊磨擦，好鬼INFP。你话依个性格系好定坏呢，我都唔知。就好似大学读文科咁，出嚟做老师？我都唔知。

　不合就系因为意见唔同所以先形成，但系人冇可能每样野都接受，每样嘢都say yes，但我就偏偏系个咁嘅人，咁都冇计，如果唔系我真系会一直惊到内心戏都一大堆。惊乜嘢？惊say no嘅后果，宁愿乜都唔谂应承咗先，每样野得咗先再算。

　但系之后发觉到咁样真系好有问题，我咁做嘅话，我仲有啲乜嘢系可以靠自己决定架，我真系成日怀疑自己冇样叻，冲动就叻过晒99%嘅人，真系要改改佢。

　人嘅不合总会有，但系自己要识喺当中抽离，唔好盲目say yes，允许自己同人有拗撬，有争执，对自己都好过啲。