雖然我唔想諗，但係點解人會有不合

有時候，我真係好想大叫：「我好想匿入山窿度啊！」但事實上，我並非想逃避任何事情，而係唔想嘈交。

　感覺上，唔少香港人都係爽快直接，顯得我依個男仔有啲唔同。一直以來，我都係討厭嘈交，但又怕被人誤會又想急住澄清自己先係對嘅一方。成件事好矛盾，好天秤座，但其實我又係白羊座，所以星座講吓就算，不過有星座依樣嘢嘅存在反而帶來幾分詩意。

　你見到好搞笑嘅係，我對於事物嘅睇法都係點到即止。一嚟唔想人哋有hard feeling，同時自己又特別敏感，搞到其實自己想點都唔係太清楚。因為我就係驚不合，就係驚磨擦，好鬼INFP。你話依個性格係好定壞呢，我都唔知。就好似大學讀文科咁，出嚟做老師？我都唔知。

　不合就係因為意見唔同所以先形成，但係人冇可能每樣野都接受，每樣嘢都say yes，但我就偏偏係個咁嘅人，咁都冇計，如果唔係我真係會一直驚到內心戲都一大堆。驚乜嘢？驚say no嘅後果，寧願乜都唔諗應承咗先，每樣野得咗先再算。

　但係之後發覺到咁樣真係好有問題，我咁做嘅話，我仲有啲乜嘢係可以靠自己決定架，我真係成日懷疑自己冇樣叻，衝動就叻過晒99%嘅人，真係要改改佢。

　人嘅不合總會有，但係自己要識喺當中抽離，唔好盲目say yes，允許自己同人有拗撬，有爭執，對自己都好過啲。