HKESE 創辦人一邊遊牧一邊創業，貫徹推動「新世代工作模式」的理念

好多朋友都認為，我創辦經營HKESE 的方式和理念，與及我的工作生活模式 (Work-Life Style)，可以話係貫徹始終。

我係一個創業者，同時又係一個數碼遊牧 (Digital Nomad)，所以我的Facebook Page 叫作「瀧澤遊牧創業記」，分享我一邊遊牧，一邊創業的所見所聞與所想。

我本身亦都係一個很嚮往自由工作嘅人，現在回想，這大概亦是為何當初我會有創辦HKESE 這個念頭。

最近我同一位社群朋友閒聊，分享我最近的遊牧生活。

「好似一隻無腳嘅雀仔。」佢嘅感受係。

我諗一諗，當我走到攰嘅時候，我係可以停下來好好休息充電再次出發，呢個角度來說我應該都算係有腳嘅。

傳統老派思維，搵份穩定工作做到60歲退休，然後用剩餘的人生，帶著年邁的身軀去環遊享受世界。

這不是我所追求的。

我反思，如果我的工作生活方式，可以讓我維持到不錯的收入，而又可以讓我馬上開始旅居世界，咁做無腳嘅雀仔，其實又有咩問題呢？

我經常提到，自由工作模式 同埋 傳統固定上班模式，沒有那一個是比較好，只有你認為最適合自己，就係最好嘅工作生活模式。好多新世代同我一樣，唔中意局限自己於一份穩定工作，同樣亦有好多人傾向傳統固定上班模式。

「最重要嘅係你要有得去選擇。」

正所謂有得㨂就係老闆，我認為最重要係你有條件去選擇你想要的工作生活模式。

在我畢業的那個年代，無太多人聽過咩係Slasher，Freelancer 亦都只係小眾，更加無咩人知道咩係Digital Nomad；大多數人的認知和選擇，就只有畢業搵份高薪糧準的穩定工作，然後每晚OT 輪迴。

我相信到今天呢個新世代時刻，大多數新世代都知道咩係Slash 咩係斜槓，大多數人對於這些新自由工作模式都有更多的認知和認識，有更大的接受程度。

新世代工作模式正在向前邁進，而最重要嘅結果係新世代們有更多的工作生活模式的選項，他們更有條件去選擇他們自己所嚮往的Work-Life Balance。

—

創立於2017年，HKESE 是新世代工作者平台＆社群，我們的願景是讓Work-Life Balance 變得觸手可及。

我們致力創造平台，滿足新世代的求職徵才需要，同時連繫新世代人才，讓更多人認識到各種新自由工作模式的可能性，與新世代並肩一起推動未來工作模式(Future of Work)，讓更多人實現到他們所嚮往的Work-Life Balance。