<<零碎小事>>旅行影相~~~

solo travel 最大困难，就系好难帮自己影相打咭
旅行景点通常系又高又大，又广又盛
所以必须开口揾路人帮手影
系巴黎铁塔附近，就揾左3个人帮手

第一个，系俄罗斯美女
我见佢系地下搞左好耐set 机
所以就主动话帮佢影
佢即刻心心眼，再除走身上嘅hoodie
晒出佢嘅露背小背心，连环狂摆20 个pose
佢系真心靓嘅，我都心心眼左好耐
而鬼咁冻嘅我，除左件大褛同厚颈巾，都仲著住件薄羽绒
真系大妈到一个点😑😑😑

入到去塔下面，人来人往
只好叫坐左系长櫈嘅女仔帮忙影相
点知佢叫左隔离阿妈帮我影
印尼妈妈帮我狂影，仲指导我摆pose
无错，就系平日香港行山见到果d咁，劲亲切
影左劲耐，尴到一个点，笑鬼死😅😅

跟著行到去公园，
度度都系三五成群，一pair pair
有d 难拣揾边个帮手影
揾左1，2个都系影得劲差
最终揾左个同阿爸黎睇铁塔嘅哥哥仔帮手
果真佢唔赶时间，慢慢帮我影左几张
不过，我开左美图秀秀相机，唔记得闩就交比佢影
佢影完问我点解影出黎唔同左🤣🤣🤣🤣🤣
我无认真答佢……
真人出左街吹左风一日，残左十万倍，已经够hurt

solo travel 揾人影相其实系一件好有趣嘅事，只要唔好mind 打唔到咭
几年前系hallstatt 揾人影相而相识嘅大马朋友，到今时今日仲有联络呢🥰
有趣经验比多左张打咭相，可能仲开心