<<零碎小事>>旅行影相~~~

solo travel 最大困難，就係好難幫自己影相打咭
旅行景點通常係又高又大，又廣又盛
所以必須開口搵路人幫手影
係巴黎鐵塔附近，就搵左3個人幫手

第一個，係俄羅斯美女
我見佢係地下搞左好耐set 機
所以就主動話幫佢影
佢即刻心心眼，再除走身上嘅hoodie
晒出佢嘅露背小背心，連環狂擺20 個pose
佢係真心靚嘅，我都心心眼左好耐
而鬼咁凍嘅我，除左件大褸同厚頸巾，都仲著住件薄羽絨
真係大媽到一個點😑😑😑

入到去塔下面，人來人往
只好叫坐左係長櫈嘅女仔幫忙影相
點知佢叫左隔離阿媽幫我影
印尼媽媽幫我狂影，仲指導我擺pose
無錯，就係平日香港行山見到果d咁，勁親切
影左勁耐，尷到一個點，笑鬼死😅😅

跟著行到去公園，
度度都係三五成群，一pair pair
有d 難揀搵邊個幫手影
搵左1，2個都係影得勁差
最終搵左個同阿爸黎睇鐵塔嘅哥哥仔幫手
果真佢唔趕時間，慢慢幫我影左幾張
不過，我開左美圖秀秀相機，唔記得閂就交比佢影
佢影完問我點解影出黎唔同左🤣🤣🤣🤣🤣
我無認真答佢……
真人出左街吹左風一日，殘左十萬倍，已經夠hurt

solo travel 搵人影相其實係一件好有趣嘅事，只要唔好mind 打唔到咭
幾年前係hallstatt 搵人影相而相識嘅大馬朋友，到今時今日仲有聯絡呢🥰
有趣經驗比多左張打咭相，可能仲開心