Nutmad - Happy French Toast Day

大家好啊！
难得今日有朋友约出街食 Dinner 🍽 , 我哋决定咗去位经观塘 Eastcore 嘅 Nutmad 去食佢远近驰名，系 IG 上面好多人打卡推荐嘅 French Toast ! 

我哋叫咗个 1/2 Tiramisu French Toast 同 1/2 Mount Blanc French Toast. 哗，果然名不虚传，个卖相真系好靓，好适合打卡！📸 待应嘅服务态度好好，用餐气氛同环境相当愉快 😊👍🏻

加咗 Espresso 嘅 Tiramisu French Toast 真系好好味，我特别钟意 Espresso 加埋可可粉香浓嘅咖啡香味。Toast 🍞 食落去口感好似布丁，有好重好香浓嘅蛋香味，质感柔软。食嘅时候每个面都沾满 Espresso 黎食就非常美味。上面仲配有一球雪糕，冰冰凉凉配 French Toast 都系一绝。如果佢 d Mascarpone cheese 🧀 可以再俾多 d，美味程度就更上一层楼啦～

打分的话，整体 8.5/10 😋 甜度唔算高，适合唔钟意食太甜嘅朋友。单系 Espresso 的话，我俾满分 💯 真系太好味，食到清盘子，舔干净，美人照镜。 

轮到 Mount Blanc French Toast ! 如然如其名，栗子蓉 🌰 俾得好阔绰，如小山般高。 原本见佢冇乜人介绍，以为平平无奇，点知几有惊喜！ 我就好钟意佢淡淡嘅酒香味，同时栗子好夹，有提味嘅作用。French Toast 嘅层次好丰富，第一层系厚厚嘅栗子，之后系冰凉嘅雪糕，再来系意想不到咁好食嘅饼干脆脆 😋 里面仲有粒甜甜哋嘅栗子，最后先到柔软湿润嘅 French Toast。 

意料之外的美味 ，比起 Tiramisu 我更喜欢偏甜一点嘅栗子， 9/10 👍🏻👍🏻😋 

若有幸偷得浮生半日闲， 不妨去坐坐，High tea 食甜品，轻松吓 😊
祝大家生活愉快！