Nutmad - Happy French Toast Day

大家好啊！
難得今日有朋友約出街食 Dinner 🍽 , 我哋決定咗去位經觀塘 Eastcore 嘅 Nutmad 去食佢遠近馳名，係 IG 上面好多人打卡推薦嘅 French Toast ! 

我哋叫咗個 1/2 Tiramisu French Toast 同 1/2 Mount Blanc French Toast. 嘩，果然名不虛傳，個賣相真係好靚，好適合打卡！📸 待應嘅服務態度好好，用餐氣氛同環境相當愉快 😊👍🏻

加咗 Espresso 嘅 Tiramisu French Toast 真係好好味，我特別鐘意 Espresso 加埋可可粉香濃嘅咖啡香味。Toast 🍞 食落去口感好似布丁，有好重好香濃嘅蛋香味，質感柔軟。食嘅時候每個面都沾滿 Espresso 黎食就非常美味。上面仲配有一球雪糕，冰冰涼涼配 French Toast 都係一絕。如果佢 d Mascarpone cheese 🧀 可以再俾多 d，美味程度就更上一層樓啦～

打分的話，整體 8.5/10 😋 甜度唔算高，適合唔鐘意食太甜嘅朋友。單係 Espresso 的話，我俾滿分 💯 真係太好味，食到清盤子，舔乾淨，美人照鏡。 

輪到 Mount Blanc French Toast ! 如然如其名，栗子蓉 🌰 俾得好闊綽，如小山般高。 原本見佢冇乜人介紹，以為平平無奇，點知幾有驚喜！ 我就好鐘意佢淡淡嘅酒香味，同時栗子好夾，有提味嘅作用。French Toast 嘅層次好豐富，第一層係厚厚嘅栗子，之後係冰涼嘅雪糕，再來係意想不到咁好食嘅餅乾脆脆 😋 裏面仲有粒甜甜哋嘅栗子，最後先到柔軟濕潤嘅 French Toast。 

意料之外的美味 ，比起 Tiramisu 我更喜歡偏甜一點嘅栗子， 9/10 👍🏻👍🏻😋 

若有幸偷得浮生半日閒， 不妨去坐坐，High tea 食甜品，輕鬆吓 😊
祝大家生活愉快！