5 道家常低碳餐 

早安午安晚安，今日想分享5 道經常煮嘅低醣餐。不論係早餐、午餐、晚餐都非常適合。快手好食之餘，仲有菜有肉有碳水，咁就健康又均衡啦～ 😋🤤🍽👍🏻 

(1) 彩蔬雞腿肉炆南瓜
蔬菜有三色椒、木耳同秋葵，提供豐富嘅纖維同抗氧化物。白灼 30 秒再炒個 3 分鐘就可以上菜啦。雞腿肉煎過之後再加埋落 d 南瓜到炆。一餐快靚正就完成啦 ～

(2）彩蔬午餐肉雞蛋芝士通心粉
聽嗰名咁邪惡，又午餐肉又芝士通粉，感覺上好肥 wo ... ...😶‍🌫️ 但係偶爾食吓又冇傷大雅 🤣最緊要係量嘅問題啫～ 午餐肉(1/8) 罐加一隻蛋，適量芝士高熱融化加落 d 通心粉上面，咁就冇咁肥啦 🙌🏻☺️ 加埋西蘭花、紅蘿蔔同甜椒就係色彩繽紛又好味嘅一餐 👍🏻

 

(3) 西芹蕃茄什錦海鮮意大利麵
又係色彩繽紛嘅一餐，酸酸甜甜嘅蕃茄果然同海鮮係最夾，西芹食落又爽口，加埋意粉又係一絕。落埋黑胡椒吊尾，彽卡高纖食過番尋味 🍝😋

 

(4) 紫薯白菜烤雞翼
終於黎到第四道家常菜！紫薯同雞翼放入烤個25分鐘左右就有得食，灼埋d白菜就可以開餐。清清淡淡，估唔到紫薯嘅甜同麻油雞翼夾埋又幾好食。呢到菜仲可以大量備餐，一次過焗多d紫薯同雞翼，忙碌嘅時候簡單翻熱就有 ok 👍🏻 👌🏻 


(5) 吞拿魚煎蛋配蔬菜和飯
當工作或學習異常忙碌嘅時候，呢個餸就會經常出現係飯碗裏面。水浸吞拿魚果然係賴人恩物，加兩隻雞蛋煎吓 🍳 又係蛋白質豐富嘅一餐。蔬菜可以隨意塔，唔鐘意白飯的話，澱粉可以隨意改成五穀雜糧飯，各種意粉都好塔。 

 

好啦，呢到就係 5 款經常翻煮嘅低醣餐。為食貓祝大家健康飽足，營養均衡 🥣😊