琥珀 - 波羅的海黃金

早安午安晚安大家好 😊 

今日同大家分享一個位於香港城市大學般哥展覽館的展覽活動 - 琥珀 波羅的海黃金 (Amber Baltic Gold). 

活動陳列出多種琥珀及其藝術品。五光十色，黃金燦燦，真係好靚。果然係另類黃金，讓人大開眼界。推薦大家有時間一定要黎睇吓！ 🤩 

場內都有唔同嘅展板講述琥珀嘅歷史同知識。我都係今日先知琥珀除咗熟悉嘅橙橙黃黃之外仲有好多唔同嘅顏色，咁多唔同形狀， 而且仲同人類嘅歷史進程息息相關。從古代到現代的藝術品，裝飾品和生活用品都可以見到琥珀嘅身影，讓人嘖嘖稱奇。 

從入場開始，由未被加工，自然生成嘅琥珀睇到由古代到現代被應用在唔同地域文化嘅用品上，真係有種站在時間鴻流上，寰宇古今嘅神韻同錯覺。燈光打落琥珀，閃閃發光，絕對唔輸鑽石。加上世界各地唔同藝術家工匠嘅鬼斧神工，真係會牢牢被吸引。一晃眼就兩粒鐘仲意猶未盡，迷失在琥珀的瑰麗世界 ... ... 🤣 

展館仲有放大鏡借用，咁就唔怕睇唔到琥珀裏面包裹嘅動物、植物同琥珀表面嘅細微紋路！ 🧐🤓🥸 

仲等，快 d 去睇下啦！展覽去到 2023 年 5 月 31 號咋！ 一屋琥珀等住你打卡 🤣🤣🤣