为食猫的早午餐 - 车仔面

早安午安晚安，大家好 😊

估唔到人生第一次食车仔面居然系系大学 Canteen 入面 😂 我都系第一次体验到原来车仔面由面体到𩠌菜都可以自己拣，完全系两𩠌饭兄弟，不过系面🍜 🍜 唔系饭。唔知大家第一次食车仔面又系几时，系咩场景呢？

面既种类有几种，有油面、公仔面、河粉 同上海面。当中嘅油面同公仔面嘅热量比较多，如果系有正在计算卡路里的朋友就自行斟酌啦～ 河粉睇落去好似好清爽，但其实会加咗 d 油落去防止佢变成一团。选择幼面，例如上海面或粗面会系比较好嘅选择～😊 不过我都系拣咗河粉 😝 我有quota 加好耐冇食过 🤭😂

𩠌菜就拣咗萝卜，低卡又健康，仲可以补充膳食纤维添👍🏻👍🏻👍🏻牛腩虽然都几高脂肪，但系食堂嘅选择真系唔多啊😶‍🌫️ 比起 d 高度加工嘅鱼蛋红肠牛丸，我都系想食原型食物多d。

系出面食嘅话大家不妨考虑吓食牛肉片、鸡肉或者其他瘦肉 🐮 🐔 🐷 猪红鸭血都系低卡低油脂嘅食材，仲可以补铁质添 👍🏻卤蛋永远都系优质蛋白质首选，推荐推荐～仲有蔬菜类例如菇同萝卜都好正。有菜有肉有碳水，咁先营养均衡㗎 🥬🍖 🍜 

我𠮶车仔面就几好味啦，虽然汤底略咸，但系 d牛腩软绵绵，𠮶卤蛋入晒味，d萝卜够清甜，加埋阿姨俾嘅两条苍翠欲滴嘅生菜简直画龙点睛啦 🤣

系㖞，如果想食得清淡d，可以拣清汤底。通常麻辣嘅会落辣油，会比较多油同重口味。

咁就祝大家食得健康饱足，出街食饭营养均衡，食得精明。