為食貓的早午餐 - 車仔麵

早安午安晚安，大家好 😊

估唔到人生第一次食車仔麵居然係係大學 Canteen 入面 😂 我都係第一次體驗到原來車仔麵由麵體到餸菜都可以自己揀，完全係兩餸飯兄弟，不過係麵🍜 🍜 唔係飯。唔知大家第一次食車仔麵又係幾時，係咩場景呢？

麵既種類有幾種，有油麵、公仔麵、河粉 同上海麵。當中嘅油麵同公仔麵嘅熱量比較多，如果係有正在計算卡路里的朋友就自行斟酌啦～ 河粉睇落去好似好清爽，但其實會加咗 d 油落去防止佢變成一團。選擇幼麵，例如上海麵或粗麵會係比較好嘅選擇～😊 不過我都係揀咗河粉 😝 我有quota 加好耐冇食過 🤭😂

餸菜就揀咗蘿蔔，低卡又健康，仲可以補充膳食纖維添👍🏻👍🏻👍🏻牛腩雖然都幾高脂肪，但係食堂嘅選擇真係唔多啊😶‍🌫️ 比起 d 高度加工嘅魚蛋紅腸牛丸，我都係想食原型食物多d。

係出面食嘅話大家不妨考慮吓食牛肉片、雞肉或者其他瘦肉 🐮 🐔 🐷 豬紅鴨血都係低卡低油脂嘅食材，仲可以補鐵質添 👍🏻滷蛋永遠都係優質蛋白質首選，推薦推薦～仲有蔬菜類例如菇同蘿蔔都好正。有菜有肉有碳水，咁先營養均衡㗎 🥬🍖 🍜 

我嗰車仔麵就幾好味啦，雖然湯底略鹹，但係 d牛腩軟綿綿，嗰滷蛋入曬味，d蘿蔔夠清甜，加埋阿姨俾嘅兩條蒼翠欲滴嘅生菜簡直畫龍點睛啦 🤣

係喎，如果想食得清淡d，可以揀清湯底。通常麻辣嘅會落辣油，會比較多油同重口味。

咁就祝大家食得健康飽足，出街食飯營養均衡，食得精明。