嗜甜怪出沒注意 - Carrot Cake 

大家好，為食貓今日食咗 Dan Ryan's Chicago Grill 嘅 Carrot cake 🥕 🎂 
唔知大家又鐘唔鐘意食 Carrot Cake 呢 ? 🤤 

一塊 Carrot Cake 都幾大份，共有三層蛋糕，裏面嘅合桃同紅蘿蔔絲都俾得幾有誠意。最可愛嘅當然係蛋糕表面用 Icing 整嘅紅蘿蔔小裝飾。🥕 🥕 🥕 

為食貓要開動 la ~喵！
一啖食落去，甜，極甜，直衝腦門的甜！為食貓瞬間變成嗜甜怪物，張開尖牙利爪大肆撲食。🍽🍽🍽 

甜，是那種讓人痛並快樂的甜，是那種讓人欲罷不能，一口接一口的甜，是那種讓人有如登巔的極樂，又有如讓人墮落深谷的甜。是天堂，是地獄，你說了算 😂😂

蛋糕的口感是結實的，帶着合桃和紅蘿蔔絲的香氣和豐富的口感。奶白色的餡料有着淳厚的奶酪芝士香氣和那極緻的甜。 

總體黎講係好食嘅，但係一定要配黑咖啡 ☕️ 
🍰 塊蛋糕絕對會讓人血糖爆表，夠曬上癮，大腦亢奮，即刻 Sugar High 👏🏻👏🏻👏🏻， 係螞蟻人嘅愛 ！ 🎉🎉🎉 🤣 

如果當日你心情奇差無比惡劣至極陷入人生低朝想報復性大口食甜的話，Dan Ryan's Chicago Grill Carrot cake 絕對滿足到你 👍🏻 

小食多滋味，多吃壞肚皮。
俾嗰 tips 大家，想減低甜品過後好似過山車咁飆升又急降嘅血糖，可以試吓餐前飲醋，食菜，避免空腹食甜，減少腸道對糖分嘅吸收。所以甜品最好在主餐之後食～ 飯後運動/步行十分鐘都有助穩定血糖 ～ 
對離方面有興趣的話，推薦大家可以 follow Glucosegoddess 嘅 IG 

咁，為食貓祝大家食得健康飽足 😸

預祝各位復活節快樂 🐣 🎊🎉