我想成为球场上最劲嘅人

系呢个世界上，有好多种运动，有兵乓波，有依家仲系好兴嘅剑击，有团体合作性好高嘅冰球，有尽力好热血传球射篮嘅篮球，有要好高韧力好靠意志力要坚持落去嘅游泳，但呢D通通都吸引唔到我，点解呢？！原因只有一个，因为排球比到一种其他运动比唔到我嘅超热血感觉。

其实我好羡慕日向翔阳 西谷夕 影山飞雄呢D咁劲嘅角色，因为我中学果阵，已经唔系高，有D矮，最矮得151，最高得153，初中果阵觉得打排球好痛，所以无特别钟意佢，反而我系无原因咁钟意打篮球，但系自从我睇左一套动漫叫排球少年之后，就完全咁扭转我对排球呢项运动嘅真正冧法，我亦都错过左打排球（学校学界）嘅宝贵机会，因为我系中六先钟意排球，无论我点样做，点样求，点样想入去排球队，都比人觉系混吉，食白果同埋食柠檬，我真系唔系玩玩下，我开左一本排球notes，里面有好多野，我想有人系我本notes到写少少鼓励说话，其实我本来系想做排球运动员，但系又错过左V.cares计划嘅报名年龄，想试都无得试，本notes仲有我画嘅排球少年画同一D排球技巧，如果我系玩玩下，就唔会坚持到今日，无论我当时有冇常玩排球，我个始终都系记挂住排球，如果我想做运动员，一定要上好多好多训练班，所以我一定要外出工作揾钱，我绝对唔想错过任何打波增进知识同经验嘅机会。

讲真，我真系只系上过4堂排球班，基本下手起波系有，但系走位真系完全唔知佢up咩，好难明123456又唔系顺序，仲要一转位好似个岗位都会变（如果错左请指教），我一直都好羡慕自由人libero呢个位，其实我仲好想做，因为libero能够带比我一种不死嘅决心，好似西谷话斋，您地望住前面就得！后面由我嚟守护！只要西谷 或者任何一个自由人 接到跳发 或者开角波 或者难起嘅所有波 观众都会欢呼，因为个波仲未跌落地！我地仲未输！西谷好冷静 有集见佢发现人地开波开出界，专登唔接＞♡＜

睇到我呢篇文嘅人一觉得好鬼闷啦，D经历都唔实在，中六先嚟入队系人都当您傻，不过唔紧要，就算我写左信 叫佢私自教我，佢唔教，都唔可以怪佢 始终以前都有D不快 大家，不过讲真果句，我系一个好认真嘅人，我有远大目标，我唔想再系室外场打，我想系室内场练前扑，翻滚同鱼跃因为室外场D地好硬 无护膝死得啦。不过V.cares计划嘅其中一个女教练讲得好啱，‘’护膝唔系装饰 系要用到烂 我教果D小中学生都系咁 烂晒‘’我一开始都只系当系装饰，后尾自己系室外场练，对脚终于开始肯接波（屯门公园排球场）。。。一_一

一个人打排球 有一个人打排球嘅好，一队人打排球，有一队人打排球嘅好，有D人可能冇咩朋友，可能会自己练墙，有D人有号召力，可以玩得激D 但系原来做排球运动员真系好辛苦，会操练到您唔想再接触排球同憎恨排球，我一直都想读HKEVA（香港专业排球学校）因为我觉得 萧昌鸿教练好man，我亦都好羡慕同欣赏台湾youtuber ming 铭排生活。我觉得每一场嘅排球比赛，无论系学校学界，中国女排，学校男子排球，奥运等等，我都觉得好热血，因为排球唔系一个人嘅运动，排球系一个钢琴嘅键，有Do Re Mi Fa So La Ti Do8粒音，如果少左其中一粒音 排球队就不再完整，只要您听到排球队口中传嚟嘅合作声音，咩咩学校 加油！您就可以feel到 排球呢项运动嘅团队发光之处 互相照耀对方，从而令各个人 主攻手 副攻手 setter 接应二传 自由人可以系球场上继续发光。

排球系我一生人嘅拍档，希望各位打排球愈嚟愈劲 ～

多谢收睇本篇文章

如果有兴趣成为排球同好（我仲系好新手 唔好意思）最好可以成日倾排球嘅野（例如人生排球同排球少年）您地可以揾我㗎 多谢晒您地 有想法会再开新篇，多谢各位！！！（我系女仔*v*）