我想成為球場上最勁嘅人

係呢個世界上，有好多種運動，有兵乓波，有依家仲係好興嘅劍擊，有團體合作性好高嘅冰球，有盡力好熱血傳球射籃嘅籃球，有要好高韌力好靠意志力要堅持落去嘅游泳，但呢D通通都吸引唔到我，點解呢？！原因只有一個，因為排球比到一種其他運動比唔到我嘅超熱血感覺。

其實我好羨慕日向翔陽 西谷夕 影山飛雄呢D咁勁嘅角色，因為我中學果陣，已經唔係高，有D矮，最矮得151，最高得153，初中果陣覺得打排球好痛，所以無特別鍾意佢，反而我係無原因咁鍾意打籃球，但係自從我睇左一套動漫叫排球少年之後，就完全咁扭轉我對排球呢項運動嘅真正冧法，我亦都錯過左打排球（學校學界）嘅寶貴機會，因為我係中六先鍾意排球，無論我點樣做，點樣求，點樣想入去排球隊，都比人覺係混吉，食白果同埋食檸檬，我真係唔係玩玩下，我開左一本排球notes，裡面有好多野，我想有人係我本notes到寫少少鼓勵說話，其實我本來係想做排球運動員，但係又錯過左V.cares計劃嘅報名年齡，想試都無得試，本notes仲有我畫嘅排球少年畫同一D排球技巧，如果我係玩玩下，就唔會堅持到今日，無論我當時有冇常玩排球，我個始終都係記掛住排球，如果我想做運動員，一定要上好多好多訓練班，所以我一定要外出工作搵錢，我絕對唔想錯過任何打波增進知識同經驗嘅機會。

講真，我真係只係上過4堂排球班，基本下手起波係有，但係走位真係完全唔知佢up咩，好難明123456又唔係順序，仲要一轉位好似個崗位都會變（如果錯左請指教），我一直都好羨慕自由人libero呢個位，其實我仲好想做，因為libero能夠帶比我一種不死嘅決心，好似西谷話齋，您地望住前面就得！後面由我嚟守護！只要西谷 或者任何一個自由人 接到跳發 或者開角波 或者難起嘅所有波 觀眾都會歡呼，因為個波仲未跌落地！我地仲未輸！西谷好冷靜 有集見佢發現人地開波開出界，專登唔接＞♡＜

睇到我呢篇文嘅人一覺得好鬼悶啦，D經歷都唔實在，中六先嚟入隊係人都當您傻，不過唔緊要，就算我寫左信 叫佢私自教我，佢唔教，都唔可以怪佢 始終以前都有D不快 大家，不過講真果句，我係一個好認真嘅人，我有遠大目標，我唔想再係室外場打，我想係室內場練前撲，翻滾同魚躍因為室外場D地好硬 無護膝死得啦。不過V.cares計劃嘅其中一個女教練講得好啱，‘’護膝唔係裝飾 係要用到爛 我教果D小中學生都係咁 爛曬‘’我一開始都只係當係裝飾，後尾自己係室外場練，對腳終於開始肯接波（屯門公園排球場）。。。一_一

一個人打排球 有一個人打排球嘅好，一隊人打排球，有一隊人打排球嘅好，有D人可能冇咩朋友，可能會自己練牆，有D人有號召力，可以玩得激D 但係原來做排球運動員真係好辛苦，會操練到您唔想再接觸排球同憎恨排球，我一直都想讀HKEVA（香港專業排球學校）因為我覺得 蕭昌鴻教練好man，我亦都好羨慕同欣賞台灣youtuber ming 銘排生活。我覺得每一場嘅排球比賽，無論係學校學界，中國女排，學校男子排球，奧運等等，我都覺得好熱血，因為排球唔係一個人嘅運動，排球係一個鋼琴嘅鍵，有Do Re Mi Fa So La Ti Do8粒音，如果少左其中一粒音 排球隊就不再完整，只要您聽到排球隊口中傳嚟嘅合作聲音，咩咩學校 加油！您就可以feel到 排球呢項運動嘅團隊發光之處 互相照耀對方，從而令各個人 主攻手 副攻手 setter 接應二傳 自由人可以係球場上繼續發光。

排球係我一生人嘅拍檔，希望各位打排球愈嚟愈勁 ～

多謝收睇本篇文章

如果有興趣成為排球同好（我仲係好新手 唔好意思）最好可以成日傾排球嘅野（例如人生排球同排球少年）您地可以搵我㗎 多謝曬您地 有想法會再開新篇，多謝各位！！！（我係女仔*v*）