我是一個兩毫子

大家好。我係一個兩毫子，係1980年出生於英國皇家鑄幣局，之後就嚟到香港在市面上流通，在八十年代啲香港經濟起飛多人已經魚翅撈飯，對於我哋呢D細面額啲硬幣已經唔係好受歡迎，但是仍然有些普羅大衆會用嚟搭巴士或渡輪，聽一D年長前輩講係六十年代一毫子已經可以食到一碗雲吞麵，更加因為渡輪公司加價五仙攪到九龍暴動。相對八十年代啲硬幣作用已經減少，到咗九十年代更加出現電子貨幣，只要一張卡就可以用嚟搭巴士及地鐵，到咗二千年更加可以用嚟消費購物，這時候開始有很多地方巳經拒絕接收我哋呢D細面額硬幣，就算有人想將我哋存入銀行時都要收取手續費，到咗呢個時間我哋就變得神憎鬼厭，到處都拒絕接收我哋，有時更因為我哋導致好多糾紛、以下就係我的經歷。

故事發生於某年農曆七月主角大雄係一個高中生，大雄有著自己啲思想，不會隨波逐流，有一天中午受到母親的委託要到街市買一磚豆腐黎做拜祭。農曆七月正值暑假天氣炎熱，大雄收到母親的委託後立即動身到街市。到達豆腐店時大雄很快已經揀好一磚三個半的豆腐，正在想拿出銀包才發現自己忘記帶銀包，由於呢個係傳統街市，並冇任何電子收費，所以大雄手執一部智能電話都沒有用武之地。正當大雄轉身手插褲袋準備回家擺錢，發現褲袋內有幾個硬幣，大雄伸手將硬幣抓出來，剛好是一個貳元、一個壹元、兩個貳毫及一個壹亳剛好是三個半。眼望店內沒有展示拒絕收毫子告示，於是就一手拿起一磚豆腐一手將手上的硬幣交給店員姨姨時，原來和諧可親的姨姨突然變成面目猙獰仿如中邪一樣，高聲疾呼拒絕接收大雄手上的硬幣，有著獨立思想啲大雄回過神後，就跟姨姨理論，在激烈的理論過程中、姨姨把手上的硬幣拋棄在大雄身上，而大雄亦把手上已經有缺失的豆腐放回姨姨手上時，姨姨堅持要大雄購買該豆腐，大雄亦堅持用被抛到地上的硬幣付款，最後經由街市經理協調下將地上的硬幣交回大雄手上將事情解決，於是大雄將硬幣放回褲袋，轉身走向超級市場用電話中的八達通買一盒豆腐回家