【 除夕夜倒数要食提子？ | 文化差异—除夕篇】

话咁快嚟到2023年，首先祝大家新年快乐！🎆 讲起除夕夜，当然不得不提西班牙人嘅过年习俗 — 食提子🍇

西班牙嘅除夕夜叫”nochevieja”，当正式进入新一年嘅0时0分，新年嘅12下钟声就会敲响，西班牙人会跟住每下钟声食一粒提子，总共12粒，每粒代表住来年嘅各个月份，喺12下钟声之后成功吞晒所有提子就代表来年顺顺利利喇～

据闻呢个习俗嘅出现系因为1909年嘅西班牙经历咗一场提子大丰收，果农为咗促销，就提出咗「幸运提子」嘅宣传，叫国民一齐喺倒数嘅时候食12粒提子，话会带嚟好运。点知呢个宣传非常成功，呢个习惯亦都慢慢流传落嚟，随之变成而家嘅倒数习俗。