【韩剧都嚟朝圣？ — Alhambra 传说篇】

♦️ 法蒂玛之手篇

承接上个post所介绍嘅阿尔罕布拉宫，今次就深入少少，讲埋皇宫入面一个不得不提嘅重要象征，佢就系早前嘅post同story都有介绍过嘅「法蒂玛之手」！

法蒂玛之手对穆斯林嚟讲系个重要嘅护身符，用嚟对抗邪恶之眼🧿，呢个象征喺中东同北非尤其流行，但佢最早其实系出现喺阿尔罕布拉宫的入口 — 正义之门上（即上图）。穆斯林认为呢个手掌系先知穆罕默德个女法蒂玛嘅右手，代表纯洁无罪，五指分别代表伊斯兰教嘅五大支柱，即「念证、礼拜、斋戒、天课和朝觐」，因此系个神圣象征。

正义之门上嘅法蒂玛之手其实仲有一个传说：门上除咗刻有法蒂玛之手，仲有天国之钥，相传当法蒂玛之手攞到天国之钥嘅时侯，阿尔罕布拉宫就会倒塌，而天国之门就会开启。呢个设定系韩剧《阿尔罕布拉宫的回忆》都有采用嘅情节嚟！

时至今日，法蒂玛之手已经变成唔少饰物同纹身嘅参考样式，手心有眼睛嘅设计亦都成为咗主流版本，留意返佢唔系邪恶之眼，而系与之抗衡嘅符号，所以采用呢个设计🪬嘅饰物，系带有祝福、好运、驱走邪念嘅意思㗎！

P.S. 我哋网店都有各类法蒂玛纹式嘅产品，中意嘅话就带佢哋返屋企啦！话唔定为你同身边嘅人带嚟好运㗎～