【「中西」合璧 — Granada历史篇】

㩒过入我哋网店嘅朋友仔应该唔难发现店入面有好多带中东色彩嘅products，可能你会问：「呢个唔系西班牙page嚟嘅咩？点解啲嘢好似唔关西班牙事嘅？」

好问题！呢个原因就要追溯返几百年前嘅历史喇，事关公元8世纪嘅时候，阿拉伯帝国版图由中东经北非大举扩张至西班牙，呢班勇悍嘅战士就系信奉伊斯兰圣战嘅穆斯林。佢哋喺西班牙嘅据点就系现今南部嘅格拉纳达，虽则之后唔同嘅基督教王朝同伊斯兰王朝都有过几次战争，但系强悍嘅穆斯林一直掌控南部格拉纳达嘅主权，直至公元15世纪先被攻陷。

经历超过700年嘅伊斯兰王朝洗礼，西班牙南部嘅格拉纳达已经变成「中(东)西(班牙)合璧」嘅代名词：一方面佢吸收咗大量中东穆斯林色彩嘅建筑、宗教同文化，另一方面亦都保留住西班牙原有基督教同天主教色彩嘅社会建设同习俗，形成咗有别西班牙北部嘅独特风彩。

所以你哋喺网店见到嘅「中东」products，其实都系现今西班牙南部嘅特产嚟，呢啲产物吸收咗阿拉伯、北非、土耳其等地嘅宗教同文化，继而演化成独有嘅地区产物，带有异国风情之余，都承载咗深厚嘅历史㗎～