【动口不动手｜文化差异 — 礼仪篇】

♦️打招呼篇

同好多其他亚洲地区一样，香港人打招呼嘅方法通常系握手。但系对热情嘅西班牙人嚟讲，正式嘅打招呼系「动口不动手」嘅，亦即系所谓嘅「贴面礼」。

喺西班牙，「贴面礼」嘅主流做法系同对方面贴面、嘟起嘴轻轻「啜」一声，留意嘴系唔需要真系掂到对方嘅，只需要「锡空气」就ok。而顺序嚟讲，通常都系由双方嘅右边面开始，再到左边，各锡一啖，总共两下。欧洲会行贴面礼嘅国家仲有法国、葡萄牙等，但系锡嘅次数就由1至4啖不等。

有趣嘅系，行唔行贴面礼好睇双方嘅默契，有时候某啲朋友要见几次面熟络咗先会咁做，但亦都有比较热情嘅系会一嚟就会直接锡啖先，唔理识唔识都好。对于本身唔识嘅男女呢，就通常由女仔决定行唔行贴面礼，如果男仔太心急冲埋去，而女方缩咗缩，情况就可能变得好尴尬喇～

所以话，呢个打招呼方式好讲求身体语言嘅观察同埋「唔怕生」嘅性格，识睇眉头眼额嘅就会快啲适应，而内敛少少嘅就可能需要多啲时间喇。