【护肤品试用】TONYMOLY皇室经典升华紧致护肤系列

成日都听人讲，女仔过左25岁就会老得好快，所以自己都有少少担心，都唔希望出到街啲小朋友会叫自己做姨姨。真系系时候要开始物色一下紧致、抗衰老护肤品先至得喇！近日我试用左TONYMOLY推出嘅「皇室经典升华紧致护肤系列」，就由我同大家介绍一下啦！

今次「皇室经典升华紧致护肤系列」当中嘅红茶萃取物成分都upgrade左唔少，由120小时升华至到216小时发酵，将红茶功效发挥至极致啊！当中蕴含有抗氧化作用嘅多酚成分，以及红茶内嘅多酚成分，有助排出皮肤入面嘅毒素废物，净化肌肤机能，整顿肌肤内嘅老废物，净化肌肤并产生美白功效！

仲有环保嘅朋友仔留意喇！今次全系列护肤产品得到「比利时纯素认」，不使用动物实验及动物成份嘅纯素护肤品。仲要完成肌肤低刺激测试，无人造香料同色素，集中保护同修护皮肤，温和低刺激令大家可以更安心。而且获得临床实验认证，有效对抗肌肤老化！

一齐开箱「PREMIUM BLACK TEA皇室经典升华紧致3件护肤套装」先！套装入面有爽肤水、乳液、面霜，仲有细细size旅行装，方便近日成日都要飞嘅朋友啦！讲返啲成份先，呢个系列蕴含高达82%纯度100％红茶萃取物，所以做到美白抗皱同时嘅双重功效性，可以保湿、抗氧化之余，又可以弹力活肌！

另外我仲试左「PREMIUM BLACK TEA 皇室经典升华紧致精华油」！精华油蕴含佛手柑油 + 葵花籽油 + 茶树叶油 + 红茶精油嘅4重植物油成分，同样用左216小时升华发酵红茶成分，帮你保湿滋润干燥嘅肌肤！

我本身自己都好怕用精华油，觉得好似质地唔太讨好咁！但系发现冬天用油类产品，真系特别润，而且再配合埋按摩手法，可以令块面更细！因为自己以前对油类精华油都唔太认识，所以得登揾左少少资料，以下我整理左几个使用油类产品嘅方式，希望帮到大家！

油类产品使用方式：

．跟水乳面霜混合

．涂在面膜上加强效果

．用作护肤收尾

．脸部按摩

希望大家可以选择合适嘅方法再使用油类精华油啦！BYEBYE ~