【蜗居攻略】教你5招增大室内空间设计小技巧 | 米米

香港地小人多已经唔系咩新鲜事，啲楼愈起愈细，唔花多啲心机都唔得啊！虽然大部份单位都系小空间，但我地都可以利用一啲小技巧去放大室内空间，令成个视觉效果比实际更加阔落。以下嘅设计方式，可以减轻小单位带嚟嘅压迫感，令室内更加明亮，一齐学吓啦！

1. 尽量使用浅色作主色调

如果用深色油漆好容易会吸收光线，造成视觉暗角，令视野空间更细。所以一啲细单位尽量可以使用浅色系嘅油漆颜色，咁就可以有效反射室内光，同埋自然光线，放大视觉感觉。主墙身用浅色系，特色墙亦可同时使用浅色，例如：灰白色、浅蓝色、浅绿色，等等。运用色彩减少对比度，又可以令空睇落更明亮，视觉上更柔和，又有设计特色。

2. 运用简约设计风格

你谂下如果屋企周围都有好多摆设，成屋都系嘢，一定会令人眼花缭乱，完全唔觉得有位行。所以要尽可能令室内保持干净、简约，学识断舍离，唔好储过多嘅杂物，腾出嚟嘅地方就可以变成生活空间，多咗地方用之余，又可以令室内环境更为整洁，仲可以令空间睇落更大添。如果你想加入室内饰品，例如挂画、地颤，都要尽量拣选一啲size较细，唔会阻碍你视线嘅饰品喇！

3. 善用灯光效果

灯光设计影响单位嘅空间观感，除咗头先提到可以用浅色墙身令屋企更光亮、更宽敞之外，仲可以增加室内灯光，例如喺柜顶、柜底等嘅地方加入灯带渗光设计，拉高楼底观感，既可以增加空间感，又可以带出设计品味，扩阔视觉空间。而且好多单位楼底都唔高，所以天花灯可以选择一啲吸顶灯，唔好用吊灯，会令空间更为压逼。所以要小心选择灯具啊。