人生第一次上梨木树 // 云南小锅米线

久仰呢间米线嘅大名，终于有机会上嚟石荫，梗系要食下呢间 #云南小锅米线 👻

鸡丝嚟讲呢，一早都知佢好好食。我先单食咗一啖，发现佢系甜甜地嘅，然后下一啖再浸汤食，发现系更加出色啊✨不过令我最有惊喜嘅，反而系腩肉！

腩肉嚟讲呢，当时一食落去，我眼睛真系发亮✨原来腩肉，可以系食落甜甜地、超入味㗎！相信佢未上碗之前，应该喺一盘汁入面游咗好耐👙btw 腩肉仔们仲要肥瘦适中唔会嚡，成碗最好食就系呢个💕 #不夸张

螺旋藻嚟讲呢，首先K小姐本身已经好钟意食紫菜海带类嘅嘢，所以难得地见到米线有螺旋藻真系超开心，唔使谂，即嗌！然后果然不出我所料，螺旋藻嘅鲜味会顺带埋落辣汤度，所以饮一啖汤系会Feel到又辣又鲜，是Ocean der 感觉🌊

米线嚟讲呢，系好弹好滑嘅！汤底都好好饮，如果再麻多少少就仲正。重点：成碗米线由上枱到食完一刻都仲标紧烟，超劲！

忠告：
肥是要减的，动是要运的，嘢是要食的！
有好嘢食，记住话我知😘

时：约完梨木树街坊交收行山鞋之后
地：葵涌梨木道112号 云南小锅米线
食：皇牌米线 小辣 加Zero