荔枝窝打工换宿｜传统客家屋House Tour 有K唱？游蛤塘士多俾狗围？超可爱猫狗实录!! 细路果实攻击!! 值得一游🔥

初认识荔枝窝，应该系2021年左右嘅事。

当时因工作要去荔枝窝采访艺术家同拍片，最令我印象深刻嘅系英姐嘅客家炆猪肉，真系好好食🤪一直都觉得呢个地方好特别，唔想用「隐世」去形容佢，但又的确系一个同市区分别非常大嘅地方，令我好想再返嚟认真地游历一下。 

突然有日俾我喺FB见到荔枝窝「打工换宿」嘅消息，心谂：今铺非去不可！但同时又谂：自己去，定揾多个人一齐去好呢？当时我系抱住「爱就要即时」嘅态度，X，报咗先啦！点知又真系俾我咁轻易报到㖞🤣唔知系咪天意呢，原定要去个个星期竟然打风㖞，咁我就唯有改期喇。一同春哥（老板）讲过要改期，佢就话：「叫多个人啦」😂咁，竟然春哥你讲到，咁，好啦😂😂😂 好喇！

真系出发去荔枝窝喇！天气合乎心水地好，所以人都非常地多。一入去明记就开始简单楼面，工作，都系问下忍唔忍嘢呢啲。喺明记，我洗咗一年份量嘅碗😂btw 我好钟意洗碗的！但春哥提醒，只只碗都系宝，烂咗就冇，所以一定要小心啲洗🤫 

工作过后我哋就周围fing下，喺路边见到有块写住「手工面包」嘅牌，话行六分钟可以去到。咁，我一定要去啦！行到门口，正打算浩浩荡荡入去食包之际，突然杀出六七只村狗，佢哋开始低吼，搞不掂，小惊，所以秒走。

 世事就系咁奇妙，俾我哋喺走佬途中遇到大眼哥。有佢带住，啲狗狗开始亲近我哋。哗，真系差啲吓到个心离一离。入去到见到好靓嘅璧画、好多包、好多猫狗，仲有发哥发嫂大眼哥Heidi，全部人都超级Nice！

天黑了，又落返春哥度食饭。势估唔到！食饭竟然唔系睇电视！系睇卡啦OK！春哥话呢部机系好耐以前返深圳买落嚟，所以入面啲歌起码十年以上，劲多旧歌！劲多而家唱K唱唔到嘅歌！劲正🥰 原本我都怕我啲魔音会唔会骚扰到附近居民，但春哥话「无问题」！OK！咁我放心唱！ 

荔枝窝其实不论日头夜晚都好宁静，无光污染之下天空特别清澈，月亮都特别皎洁，超多星星！朝早其实都唔使较闹钟，阳光可以自动叫醒我哋。唯一一点就系居家屋好应声，隔离屋讲咩我都听到😂所以小心啲唔好讲人坏话喇～ 

总结，荔枝窝打工换宿系今年一个非常难忘嘅经历。除咗景好、空气好，人同猫猫狗狗们都非常好，好有人情味🥰 

但愿呢份美好可以继续保留落去，发展商正苦永远唔好打呢度主意plzzzzz 

FOLLOW ME IG @yyyingtinggg
https://www.instagram.com/yyyingtinggg/ 

#移民 #英国 #荔枝窝 #客家 #打工换宿 #蛤塘 #梅子林 #缘路山旮旯 #发记士多 #春哥 #岑珈其 #毛孩 #workingholiday #行山路线 #行山路线推介 #通心树 #风水林 #乌蛟腾 #香港本地游 #本地游