Say Yes (5)

俊宇畫了一天, 覺得累了…到樓下伸展一下,去便利店買點小食吧!

「俊宇! 黎左啊?」

「Ling 姨! 我想買燒賣魚蛋, 加辣油, 唔該」

「嘻嘻, 我有泡菜辣油喎, 試唔試?」

「好啊好啊!」俊宇興奮的說

「點啊? 得唔得? 有無D家鄉風味?」Ling 姨緊張的問, 泡菜辣油是她自制的。

「嗯! 好味啊, 好食過普通辣油!」他大舉拇指

Ling 姨笑得不亦樂乎…又轉身不知取什麼「拎返去用, 嘻嘻, 非賣品, 你鐘意既下次再整!」

「多謝Ling 姨!」

「哥哥無同你一齊黎既? 去左玩啊？」
 

「哥出去做野啊….」

「哈, 你父母一定係好靚, 基因真係好, 兩兄弟都咁靚仔!」

「嘻嘻….邊係呢」俊宇臉紅紅

「黎, 陪Ling 姨傾一陣, 俊宇有無拍拖啊? 不如我介紹個世姪女你識丫…」

「Er….哈哈」

「唔使怕羞, 好普通架咋, 當識下朋友….你同哥哥…」她突然停住了「嘻嘻…睇黎哥哥唔使喎…」她望向店外, 俊宇跟隨她的視線看過去…見到雅琪和俊亨在對面馬路過來, 兩人臉上掛著笑容…

「啊…佢地睇落幾襯啊, 呵?」她自顧的說

(哥同nuna….? ) 俊宇心裡有點鬱悶

「俊宇, 你落黎食燒賣? 岩岩我地就係諗住黎買返去俾你食啊…哈哈」雅琪笑說「Ling 姨」

「哦~~~~你地去拍拖丟低俊宇」Ling 姨開他們玩笑

「無你咁好氣, 去睇下有咩新雪糕先…小宇, 過嚟~」她挽住俊宇走向雪櫃

「姐姐！」金俊亨笑著跟她打招呼

「玩得開唔開心啊？岩岩仲話介紹女仔你哋識，你唔使啦？呵呵呵」

「我今日去返工啊！」

「姐姐，你記得介紹個乖女仔俾俊宇識，佢好純架，哈哈」

「得！梗係啦，我唔會係唔係都介紹」

「嗯！姐姐真係好，我一陣間拎啲護膚品化妝品俾你試吓丫，嘻嘻」

「哎呀！我幾十歲仲搞咩鬼丫，哈哈」她嘴上這樣說，但其實她每天都化妝到店面，皮膚保養得不俗

「點會，姐姐保養得幾好啊！」他真的觀察過才說出口，當然加了很多糖，呵呵！

「嘻嘻嘻⋯你真係嘴甜！」

「Ling 姨，你咁快返左呢隻雪條！日本早幾日先出架喎」雅琪說完吃了一口手上的雪條。

很熟的關係，他們都會邊買邊吃，Ling 姨也習慣了。

「好唔好味？」表情像個溺愛孩子的媽媽般。

「唔⋯好好味」口裡塞滿雪條的俊宇，把其餘的放櫃面讓Ling姨結算。

雅琪手拿著她吃的雪條，邊取出錢包⋯

金俊亨突然說「咁好味？我又食」

俊宇剛想把新的遞過去，見他俯身一口咬雅琪那吃過的雪條

「hyeong！！！」

「喂！你又食我啲野！！」雅琪不滿的說，剛在外面已經喝她的茶，之後又吃她的冬甩！

「哈哈，試吓味咋嘛，咁小器」俊亨笑樂了

「哎呀！咁大個人仲爭食雪條，請你哋食喇，哈哈」

「唔得，你打開門做生意架！」雅琪轉過頭說「你請啊！！」

「哈哈，我請我請！」

「俊宇！」她馬上跟小宇打眼色，又拉住他再買多點。

「哈哈，耍花槍真好！青春真係好」

「姐姐，咩係耍花槍？」俊亨沒聽明白

「嘻嘻，情侶兩口子鬥嘴，即係打情罵俏呀」

「啊⋯哈哈，唔係啊，我哋唔係⋯」他笑著耍手…

金俊亨躺在沙發上，待小宇洗澡完出來「俊宇，試吓用呢枝潔面爽膚水，今日買架」

「哦，好啊」

「哥⋯ 你今日同nuna 一齊既？」

「係啊！我哋喺lift 口撞到，我叫佢帶我去」

「點解咁問？」

「見你哋相處得幾開心」

「咁唔好咩？你唔係想大家開心相處咩？我哋會留低一段唔短時期啊」

「好啊⋯我問吓啫」

見弟弟悶悶不樂，俊宇想大概是畫畫悶了吧？

「聽日我哋都出去，你都一齊丫？」

「都出去？」（nuna 每日都陪哥哥嗎？）

「嗯！要去觀察市場啊⋯」

「唔啦，我後日要zoom meeting 交稿啦」

「咁約定你星期六去玩，早啲瞓啦！」他揉揉小宇頭髮便回房間

（啊⋯⋯金俊宇！你做乜事啊！哥哥同nuna出去咁又點？係正常社交啊⋯⋯到底喺度擔心啲咩⋯唔開心啲咩啊😔）俊宇對住鏡中的自己輕拍臉頰！

俊亨回房間先是打開電腦把今天拍的照片上傳，按著照片記下啟發/想法作為記錄⋯

記錄完畢，他按下滑鼠播放照片，看到後面的照片，由原本輕皺眉頭，變得笑逐顏開⋯⋯除了做research 的照片外，他更拍低香港的社區容貌，還有…他們吃東西的照片。

（嗯⋯香港真係唔錯，嘻嘻！）

待續⋯