Say Yes (4)
「俊宇~~~你真系唔陪我去啊? 可能见到好多靓姐姐架㖞」
「唔得, 师父要我交功课, 我每日都要画先赶得切…仲要修改, 加上我无兴趣!」他低头画著稿纸
「靓姐姐都无兴趣…明明话想拍拖既人系你!」
「啊! 哥…我要趁手感好既时候画…你先用住google map 先? 我星期六陪你出去」
「嗯…你俾心机啦! 我出去啦」
在电梯回碰上刚出门的雅琪….
「琪琪! 你出去啊? 」
「系啊….寄件咋嘛! 」
「咁你得唔得闲? 不如你带我去呢D地方? 」
「唔…可以啊」雅琪想到他刚来香港, 始终不熟路, 反正没事做, 带他逛逛也没什么 「你确定要一日去晒? 有D距离架..」 全是大型shopping mall!
「唔紧要, 我list 晒出黎先, 要慢慢视察」
「视察? 你公司做咩架?」
「公司系韩国化妆品牌公司, 我系市场开发部, 今次黎做市场策划…」金俊亨自小就认为男女都应该保养得宜, 是对自己的一份尊重! 长大后虽然是市场学毕业, 仍投身美容行业, 寓工作于兴趣自然越做越出色…短短几年, 便成为了市场开发部第二老大!
「咁你唔使返工?」
「我提前过黎, 初步做住市场调查先…欸! 听俊宇讲你系开代购网店, 有无我地品牌呢?」
「我主要做日本代购…衫, 袋…化妆品少」
「点解会做代购既? 因为钟意去旅行??」金俊亨好奇
「哈…都系既…」
「嗯? 我估下先…你去过读书或者旅居…」
「我前男友系日本人, 我会成日飞过去」Aki 淡淡的说
「咁而家呢?」俊亨问
「而家咪继续代购啰…我有朋友系个边定居, 同我一齐做, 咁我就唔使飞去都买到」
「我系问咁而家个男朋友呢?」
「无」
「点会无啊…你…」
「啊! 你都几八卦架㖞」她微笑说
金俊亨语塞…被雅琪一说才发觉自己问得太多 (系㖞….我点解对佢咁好奇既呢…)
他性格平易可亲，细心且能观人于微, 加上嘴甜…身边的人都很爱戴他! 韩雅琪是他少有看不透的人, 她渗透著一点神秘…
「哈哈, 你呢? 你黎香港做野咁女朋友一齐黎?」雅琪问他
「啊? 我..无女朋友啊」
「你点会无啊? 嗯? 你咁靓仔」她学著他问
「单身几好啊…除非遇到一个好岩既人, 如果唔系…与其委曲求存去拍一场拖, 不如享受单身既快乐…」俊亨坦白的说, 却见雅琪笑得很开的点头。
他轻皱眉头表示不解。
「咁你头先仲问我既? 哈哈哈」(哈! 睇佢个样好醒架㖞…点解好似钝钝地咁既?)
在爱情上有过经历的人…到了某一阶段, 想法看法自然都会变…就像这二人, 已经不再是追求恋爱一时的甜蜜…浪漫, 而是著重跟著自己感觉走。
到达商埸后, 他们走到化妆品专柜…售货员只是随意跟Aki 介绍两句, 俊亨故意跟Aki 分开行, 有店员主动问他「先生,系咪买野俾女朋友啊? 呢款系新出既…」
金俊亨望向陈列架…架上有男女护肤及化妆品…
「嗯…我想睇防晒底霜…」
「先生, 呢款防晒底霜系我地brand 既王牌…」
「男女都可以用?」
「Er…底霜无咁细分, 应该可以! 啊….另外, 我介绍返男士洁面爽肤俾你…」
他微笑的听著, 内心却打了个大交叉!
(男士睇一定系买俾女朋友? 扣分!)
(有男士产品都唔sell, 扣分!)
(对产品唔熟悉, 扣分!)
(胡乱解答客人疑问, 扣分!)
俊亨在公司, 除了数据分析外, 他甚至对所有产品都试用, 以致公司开拓了男性市场, 他可算是功不可没!
听著听著, 他突然喊「琪琪…」
雅琪走过去看个究竟…
他说「麻烦你俾佢试下底霜既色…」
最后他买了防晒底霜及洁面爽肤水!
「你公司唔系做呢D? 点解你会买其他brand?」
「知己知彼嘛, 有比较先有进步!」
「你又岩! 拿, 比返你」她把刚买的递给他
「嗯? 我买俾你架, 见你平时都有化妆」
「好地地买野俾我做咩, 我俾返钱你」
「当多谢你陪我去视察, 顺便帮我试下D PRODUCT 丫?」俊亨拜托她
「哈, 利用我! 好啦, 反正岩色, 多谢啦! 口唔口渴? 请你饮野」
Aki 带他到了台式饮品店…
「唔…饮咩好呢…你饮咩啊?」对于花多眼乱的餐牌她选不定。
「好难拣啊…同埋有D字唔识」俊亨搲搲头
「你钟唔钟意芝士?」琪琪问俊亨
「一般」
「好! 我饮芝芝火火…你饮葡萄柚绿啦! OK?」
「好啊!」他笑说
Aki 一拿到就啜饮「唔…好好味! 嘻嘻」见俊亨没有饮, 只是望住她「做咩啊? 你唔饮既?」
「你个杯好似好好饮咁…」韩国很少手摇饮品店, 只有奶茶店, 金俊亨不知道她喝的是什么…
「头先问你, 你话麻麻地芝士既..」
「芝士系一般…我无试过咁样饮既芝士..」
「哈哈, 系㖞! 唔记得左韩国无咩呢D 店添」
「你要唔要试下丫?」Aki 把手上的饮品递给他。
当俊亨接过她的杯…想把杯盖打开, 她却阻止了! 直接递到他嘴边「饮呢个要用饮管咁样上到下沟匀饮先好饮架…」见俊亨不动, 她又说「我无病啊」
原本俊亨怕这样会被她觉得不太礼貌, 没想到她居然这么爽直…换作平时, 对方就会扭拧的说「嗯…Oppa! 你想同我饮同一杯啊?」「oppa, 你咁样系间接kiss 喔…嘻嘻」
「喂! 喂! 你仲试唔试, 会溶架!」Aki 大声的把他思绪喊回！
他喝了一小口…
「点啊? 系咪好好味呢?」
他点点头, 又再喝一大口…
「喂! 金俊亨! 你饮晒我D芝士啦!」她埋怨….随即抢了他手上的茶喝一大口「哼!」
俊亨看得笑呵呵…(原来佢都有可爱既一面, 哈哈哈)
待续⋯