Say Yes (4)
「俊宇~~~你真係唔陪我去啊? 可能見到好多靚姐姐架喎」
「唔得, 師父要我交功課, 我每日都要畫先趕得切…仲要修改, 加上我無興趣!」他低頭畫著稿紙
「靚姐姐都無興趣…明明話想拍拖既人係你!」
「啊! 哥…我要趁手感好既時候畫…你先用住google map 先? 我星期六陪你出去」
「嗯…你俾心機啦! 我出去啦」
在電梯回碰上剛出門的雅琪….
「琪琪! 你出去啊? 」
「係啊….寄件咋嘛! 」
「咁你得唔得閒? 不如你帶我去呢D地方? 」
「唔…可以啊」雅琪想到他剛來香港, 始終不熟路, 反正沒事做, 帶他逛逛也沒什麼 「你確定要一日去曬? 有D距離架..」 全是大型shopping mall!
「唔緊要, 我list 曬出黎先, 要慢慢視察」
「視察? 你公司做咩架?」
「公司係韓國化妝品牌公司, 我係市場開發部, 今次黎做市場策劃…」金俊亨自小就認為男女都應該保養得宜, 是對自己的一份尊重! 長大後雖然是市場學畢業, 仍投身美容行業, 寓工作於興趣自然越做越出色…短短幾年, 便成為了市場開發部第二老大!
「咁你唔使返工?」
「我提前過黎, 初步做住市場調查先…欸! 聽俊宇講你係開代購網店, 有無我地品牌呢?」
「我主要做日本代購…衫, 袋…化妝品少」
「點解會做代購既? 因為鐘意去旅行??」金俊亨好奇
「哈…都係既…」
「嗯? 我估下先…你去過讀書或者旅居…」
「我前男友係日本人, 我會成日飛過去」Aki 淡淡的說
「咁而家呢?」俊亨問
「而家咪繼續代購囉…我有朋友係個邊定居, 同我一齊做, 咁我就唔使飛去都買到」
「我係問咁而家個男朋友呢?」
「無」
「點會無啊…你…」
「啊! 你都幾八卦架喎」她微笑說
金俊亨語塞…被雅琪一說才發覺自己問得太多 (係喎….我點解對佢咁好奇既呢…)
他性格平易可親，細心且能觀人于微, 加上嘴甜…身邊的人都很愛戴他! 韓雅琪是他少有看不透的人, 她滲透著一點神秘…
「哈哈, 你呢? 你黎香港做野咁女朋友一齊黎?」雅琪問他
「啊? 我..無女朋友啊」
「你點會無啊? 嗯? 你咁靚仔」她學著他問
「單身幾好啊…除非遇到一個好岩既人, 如果唔係…與其委曲求存去拍一場拖, 不如享受單身既快樂…」俊亨坦白的說, 卻見雅琪笑得很開的點頭。
他輕皺眉頭表示不解。
「咁你頭先仲問我既? 哈哈哈」(哈! 睇佢個樣好醒架喎…點解好似鈍鈍地咁既?)
在愛情上有過經歷的人…到了某一階段, 想法看法自然都會變…就像這二人, 已經不再是追求戀愛一時的甜蜜…浪漫, 而是著重跟著自己感覺走。
到達商埸後, 他們走到化妝品專櫃…售貨員只是隨意跟Aki 介紹兩句, 俊亨故意跟Aki 分開行, 有店員主動問他「先生,係咪買野俾女朋友啊? 呢款係新出既…」
金俊亨望向陳列架…架上有男女護膚及化妝品…
「嗯…我想睇防曬底霜…」
「先生, 呢款防曬底霜係我地brand 既王牌…」
「男女都可以用?」
「Er…底霜無咁細分, 應該可以! 啊….另外, 我介紹返男士潔面爽膚俾你…」
他微笑的聽著, 內心卻打了個大交叉!
(男士睇一定係買俾女朋友? 扣分!)
(有男士產品都唔sell, 扣分!)
(對產品唔熟悉, 扣分!)
(胡亂解答客人疑問, 扣分!)
俊亨在公司, 除了數據分析外, 他甚至對所有產品都試用, 以致公司開拓了男性市場, 他可算是功不可沒!
聽著聽著, 他突然喊「琪琪…」
雅琪走過去看個究竟…
他說「麻煩你俾佢試下底霜既色…」
最後他買了防曬底霜及潔面爽膚水!
「你公司唔係做呢D? 點解你會買其他brand?」
「知己知彼嘛, 有比較先有進步!」
「你又岩! 拿, 比返你」她把剛買的遞給他
「嗯? 我買俾你架, 見你平時都有化妝」
「好地地買野俾我做咩, 我俾返錢你」
「當多謝你陪我去視察, 順便幫我試下D PRODUCT 丫?」俊亨拜託她
「哈, 利用我! 好啦, 反正岩色, 多謝啦! 口唔口渴? 請你飲野」
Aki 帶他到了台式飲品店…
「唔…飲咩好呢…你飲咩啊?」對於花多眼亂的餐牌她選不定。
「好難揀啊…同埋有D字唔識」俊亨搲搲頭
「你鐘唔鐘意芝士?」琪琪問俊亨
「一般」
「好! 我飲芝芝火火…你飲葡萄柚綠啦! OK?」
「好啊!」他笑說
Aki 一拿到就啜飲「唔…好好味! 嘻嘻」見俊亨沒有飲, 只是望住她「做咩啊? 你唔飲既?」
「你個杯好似好好飲咁…」韓國很少手搖飲品店, 只有奶茶店, 金俊亨不知道她喝的是什麼…
「頭先問你, 你話麻麻地芝士既..」
「芝士係一般…我無試過咁樣飲既芝士..」
「哈哈, 係喎! 唔記得左韓國無咩呢D 店添」
「你要唔要試下丫?」Aki 把手上的飲品遞給他。
當俊亨接過她的杯…想把杯蓋打開, 她卻阻止了! 直接遞到他嘴邊「飲呢個要用飲管咁樣上到下溝勻飲先好飲架…」見俊亨不動, 她又說「我無病啊」
原本俊亨怕這樣會被她覺得不太禮貌, 沒想到她居然這麼爽直…換作平時, 對方就會扭擰的說「嗯…Oppa! 你想同我飲同一杯啊?」「oppa, 你咁樣係間接kiss 喔…嘻嘻」
「喂! 喂! 你仲試唔試, 會溶架!」Aki 大聲的把他思緒喊回！
他喝了一小口…
「點啊? 係咪好好味呢?」
他點點頭, 又再喝一大口…
「喂! 金俊亨! 你飲曬我D芝士啦!」她埋怨….隨即搶了他手上的茶喝一大口「哼!」
俊亨看得笑呵呵…(原來佢都有可愛既一面, 哈哈哈)
待續⋯