Say Yes (3)

两兄弟顺利的又住在一起展开新生活。

「哥…你预计黎香港几耐?」

「应该同你差唔多…有机会更耐…我系第一批到港既人, 陆续会有其他同事黎」金俊亨公司这边太多未知数, 但他看起来却十分享受！

「吓?爸妈知唔知? 佢地唔系催你结婚?」

「嘻嘻…所以我咪要黎香港啰」他接著说「我都唔明点解会有适婚年龄呢个说法…唔钟意点结? 佢地当初都系识到对方先结, 而家反而同我玩传统」

他真的对爸妈的举动很费解…由25岁开始, 一天到晚说让他带女朋友回家见他们, 他说没有嘛…就每两星期安排介绍女生给他认识! 金俊亨头都大了, 不是没有女朋友, 而是交过的都不致于令他想安定下来, 也就没有见父母的必要吧！  

(明明都系跟住感觉走既人, 无端端学左爷爷0个套, 要佢相睇! 哼~爸爸自己就可以揾到妈妈做佢女皇, 点解我唔可以自己拣! 重点: 我靓仔过爸爸好多!)

「嘻嘻….原来你黎系为左避佢地既…」俊宇总算知道哥哥拚命争取出国的原因, 当时师父要他到香港实习, 难怪哥哥那时一副羡慕的模样…

「你系度实习惯唔惯? 系喇…系咪静鸡鸡拍拖无同我讲?」金俊亨想起了雅琪说的规矩。

「惯啊…仲好开心…师父教我好多野…佢话如果表现理想, 佢预计下年考虑帮我出一套漫画呢」小宇得意的说。

「真系? 我地俊宇真系叻…哈哈」他摸摸弟弟的头「欸? 我问紧女朋友既事….」

「无啊…边有机会识到女仔, 我剩系识Aki nuna…」

「哦~~~~~原来你钟意琪琪」俊亨戏弄他。

「唔系啊! 哥, 唔好乱讲, 唔好俾nuna 听到」

「哈…咁紧张, 即系系啦? 仲面红」

「nuna 同师父有关系, 唔可以乱开玩笑」

「咩关系?」俊亨好奇起来

「唔…我唔确定, 不过师父有啲事会俾nuna做决定…就好似你可唔可以喺度住, 都系由nuna决定！

「你师父咩年纪」

「我点知, 都未见过」

「一年都无见过？ 咁点实习?」

「用zoom 啊, 不过佢唔会影个样架」小宇理所当然的说

「咁神秘….」他又问 「nuna 有无男朋友?」

小宇听到后, 望住他古惑的笑…

「我…睇下佢会唔会系你师父个女朋友咋!」俊亨一副不在意的样子。

「应该唔会吧…不过nuna真系好多时间都同我一齐…啊! 无啊, 我上次听到Ling 姨话介绍男仔俾nuna 识!」

「Ling 姨? 便利店个姐姐」

「欸…你点解叫佢姐姐, 明明系阿珠妈!」

「你唔记得左我做边行? 好著重对女士既尊称…凭外貌叫人阿珠妈其实好无礼貌架…」

小宇点头。
 

「佢点解会介绍男仔俾nuna识?」俊亨问

「唔知啊, 可能觉得nuna太好, 应该要有人锡...」

「嗯, 我都想试下拍拖….」小宇红著脸说

「欸? 哈哈…我都话架啦, 有对象唔讲」金俊亨八卦的望向他

「无! 只系想试下…师父都话拍拖其实对创作好有帮助, 唔分心就得, 所以佢就定左规则唔准带女朋友返黎, 你寻日仲同nuna作对」

「好啦, 咁你钟意咩类型, 等哥哥帮你物色下」(原来唔系佢定既…仲以为佢咁专制)

「好似Aki nuna 咁…但再温柔D…可爱D」小宇羞怯的说

「所以…你真系钟意nuna?」金俊亨试探著

「钟意, 但nuna 就系nuna! 我只系想女朋友有佢D 特质, 唔系想nuna 做女朋友」他慎重的说 (好彩Aki nuna 唔系可爱路线, 如果唔系我应该会沉船….)

「哥…你呢?」
 

「我…钟意独立…有思想…有自主能力, 唔好成日剩系识叫oppa…性格爽朗, 见多识广, 最重要有感觉!」金俊亨把理想型说出。

俊宇听到哥的话, 不由得愣住了… (哥讲紧既…系Aki nuna 啊!!!)

金俊亨见到弟弟的傻样，不禁拍他一下…. 「哈哈! 做咩傻左咁既样? 我知好难…而家讲紧理想型嘛….系咪? 唔, 我都叫Ling姐姐帮手先, 哈哈…话唔定…」

俊宇已经听不进哥哥的话了, 大脑停顿….(唔使揾Ling 姨啊, 已经出现左, 就系Aki nuna…我既nuna…)

待续⋯