Say Yes (3)

兩兄弟順利的又住在一起展開新生活。

「哥…你預計黎香港幾耐?」

「應該同你差唔多…有機會更耐…我係第一批到港既人, 陸續會有其他同事黎」金俊亨公司這邊太多未知數, 但他看起來卻十分享受！

「吓?爸媽知唔知? 佢地唔係催你結婚?」

「嘻嘻…所以我咪要黎香港囉」他接著說「我都唔明點解會有適婚年齡呢個說法…唔鐘意點結? 佢地當初都係識到對方先結, 而家反而同我玩傳統」

他真的對爸媽的舉動很費解…由25歲開始, 一天到晚說讓他帶女朋友回家見他們, 他說沒有嘛…就每兩星期安排介紹女生給他認識! 金俊亨頭都大了, 不是沒有女朋友, 而是交過的都不致於令他想安定下來, 也就沒有見父母的必要吧！  

(明明都係跟住感覺走既人, 無端端學左爺爺0個套, 要佢相睇! 哼~爸爸自己就可以搵到媽媽做佢女皇, 點解我唔可以自己揀! 重點: 我靚仔過爸爸好多!)

「嘻嘻….原來你黎係為左避佢地既…」俊宇總算知道哥哥拚命爭取出國的原因, 當時師父要他到香港實習, 難怪哥哥那時一副羨慕的模樣…

「你係度實習慣唔慣? 係喇…係咪靜雞雞拍拖無同我講?」金俊亨想起了雅琪說的規矩。

「慣啊…仲好開心…師父教我好多野…佢話如果表現理想, 佢預計下年考慮幫我出一套漫畫呢」小宇得意的說。

「真係? 我地俊宇真係叻…哈哈」他摸摸弟弟的頭「欸? 我問緊女朋友既事….」

「無啊…邊有機會識到女仔, 我剩係識Aki nuna…」

「哦~~~~~原來你鐘意琪琪」俊亨戲弄他。

「唔係啊! 哥, 唔好亂講, 唔好俾nuna 聽到」

「哈…咁緊張, 即係係啦? 仲面紅」

「nuna 同師父有關係, 唔可以亂開玩笑」

「咩關係?」俊亨好奇起來

「唔…我唔確定, 不過師父有啲事會俾nuna做決定…就好似你可唔可以喺度住, 都係由nuna決定！

「你師父咩年紀」

「我點知, 都未見過」

「一年都無見過？ 咁點實習?」

「用zoom 啊, 不過佢唔會影個樣架」小宇理所當然的說

「咁神秘….」他又問 「nuna 有無男朋友?」

小宇聽到後, 望住他古惑的笑…

「我…睇下佢會唔會係你師父個女朋友咋!」俊亨一副不在意的樣子。

「應該唔會吧…不過nuna真係好多時間都同我一齊…啊! 無啊, 我上次聽到Ling 姨話介紹男仔俾nuna 識!」

「Ling 姨? 便利店個姐姐」

「欸…你點解叫佢姐姐, 明明係阿珠媽!」

「你唔記得左我做邊行? 好著重對女士既尊稱…憑外貌叫人阿珠媽其實好無禮貌架…」

小宇點頭。
 

「佢點解會介紹男仔俾nuna識?」俊亨問

「唔知啊, 可能覺得nuna太好, 應該要有人錫...」

「嗯, 我都想試下拍拖….」小宇紅著臉說

「欸? 哈哈…我都話架啦, 有對象唔講」金俊亨八卦的望向他

「無! 只係想試下…師父都話拍拖其實對創作好有幫助, 唔分心就得, 所以佢就定左規則唔準帶女朋友返黎, 你尋日仲同nuna作對」

「好啦, 咁你鐘意咩類型, 等哥哥幫你物色下」(原來唔係佢定既…仲以為佢咁專制)

「好似Aki nuna 咁…但再溫柔D…可愛D」小宇羞怯的說

「所以…你真係鐘意nuna?」金俊亨試探著

「鐘意, 但nuna 就係nuna! 我只係想女朋友有佢D 特質, 唔係想nuna 做女朋友」他慎重的說 (好彩Aki nuna 唔係可愛路線, 如果唔係我應該會沉船….)

「哥…你呢?」
 

「我…鐘意獨立…有思想…有自主能力, 唔好成日剩係識叫oppa…性格爽朗, 見多識廣, 最重要有感覺!」金俊亨把理想型說出。

俊宇聽到哥的話, 不由得愣住了… (哥講緊既…係Aki nuna 啊!!!)

金俊亨見到弟弟的傻樣，不禁拍他一下…. 「哈哈! 做咩傻左咁既樣? 我知好難…而家講緊理想型嘛….係咪? 唔, 我都叫Ling姐姐幫手先, 哈哈…話唔定…」

俊宇已經聽不進哥哥的話了, 大腦停頓….(唔使搵Ling 姨啊, 已經出現左, 就係Aki nuna…我既nuna…)

待續⋯