Say Yes (2)

「啊? 我无啊…我唔系」俊亨一时慌了, 怎么那女生突然变脸。

「你话自己住呢度, 呢度一梯两户架咋! 你再唔走我call security!」她怕眼前男生会做什么, 决定先声夺人, 最少不要让对方觉得自己是弱者！

「误会啦…我系金俊亨…我…」俊亨想解释被她打断了。

「我理得你系边个, 呢度姓韩! 金咩俊亨!!! 」她连珠炮发, 见他一脸无辜的表情, 稍微冷静一下便问他「咪住先…你话你叫金…俊亨?」

「嗯…我系黎揾我细佬金俊宇」他平静的说。

「Er…咁佢今年几多岁丫? 做D咩?」她提防著。

「21岁…漫画家矢口力既徙弟, 喺香港实习」望住眼前的她, 金俊亨莞然一笑 (会动脑筋…自己求证…香港女仔果然比较理性有智慧)

「唔好意思…我误会左, 你好! 我系韩雅琪 」她向俊亨点头, 下一秒又皱眉「 但系…你啲行李呢?」

「啊~~~~~~喺便利店!」经她一提, 俊亨这才想起来。

「吓! 咁我放低D野即刻同你去揾啦!」她紧张的说。

金俊亨傻傻的站在走廊等, 不明白她为何紧张 (行李唔会有人偷, 而且便利店那个姐姐人好好啊~)

「系咪前面间便利店? 超市前少少..」雅琪问

「系啊」

店员妇人一见到他便殷勤的说「哎呀!你返黎喇…咁大件行李都漏低, 好彩我帮你放好」

「Ling 姨」雅琪跟妇人打招呼。

便利店是加盟特许经营店, Ling 姨是老板娘; 她跟老公住在附近屋苑, 老公过身后,  儿子怕妈妈闷, 就开了一间店给她打发时间。雅琪一直住在这里, 常到便利店光顾, 跟Ling 姨熟悉！

「雅琪, 你地识架?」Ling 姨问

「俊宇哥哥…」她说

「哈哈, 姐姐, 原来我地都识, 真系巧合…好彩你帮我收好件行李…」俊亨说

韩雅琪听到他喊姐姐, 回头惊讶的望他 (姐姐? Ling 姨㖞!)

「嘻嘻…小事小事…啊, 你系俊宇哥哥, 即系韩国黎…」Ling 姨转身到架上取了一堆零食塞到他怀里 「试下呢啲…韩国应该未有架…俊宇都钟意食呢…哈哈」然后一脸姨母笑的望住他。

「哈…哈…多谢姐姐….太客气啦…有机会我同俊宇请你食饭」俊亨笑说

他的话哄到Ling 姨笑不拢嘴…因为要提行李箱的关系, 雅琪帮他捧住零食, 幸好已停雨。俊宇已经回家, 听到闸门声便开门探头 「nuna…哥哥到…」话未说完便见到俊亨。

他上前抱住俊亨开心大叫「hyeong!」

「哈哈…俊宇…我黎左啦!」金俊亨见到弟弟也很开心。

俊宇把哥哥的行李拉进屋内…「nuna…我地过黎帮你…」他见雅琪捧住一堆零食, 想必是去了超市/便利店买食物！

「嗯…呢啲你放入屋先, Ling 姨请你地食既」雅琪淡淡的说。

「nuna 예쁘다 재미있어 보인다」 俊亨突然跟弟弟说韩文，意思是姐姐果然漂亮，看起来很有趣。

「hyeong!」俊宇马上想阻止⋯

「왜？」 

「Kam sa mi da」雅琪笑著回应他。

「nuna 识听」俊宇跟哥哥说，示意不要故意说韩文，免得说错什么话尴尬。

「哈⋯哈哈，原来琪琪识听」金俊亨笑说

「咩丫？你叫边个？」雅琪望一眼他。

「哥！系Aki nuna啊！要叫nuna广东话系姐姐」俊宇提醒哥哥，雅琪比他还大一岁。

「唔使喇，你唔好叫」她听到姐姐马上阻止，就想起金俊亨叫Ling 姨姐姐，Ling 姨是五十几岁嘅中年妇人，自己才不是跟她同辈！

「哦？你都唔想系我姐姐呢？」俊亨轻挑的笑说

「nuna…」俊宇跟在她身后 「你唔钟意哥哥？定系嬲？」

「唔系啊⋯」

「咁点解nuna 你咁讲？」俊宇有点不知所措，他怕两人不和，那么哥哥便不能留在这里，他肯定nuna 跟师父有关系，只是不知道是哪一种！

「你知唔知佢叫Ling 姨做姐姐啊⋯⋯」

「啊？？？哥！Ling 姨系阿珠妈！」

「哈哈….俊宇啊，我叫佢姐姐佢好开心啊….大过我五年以上先算姐姐，琪琪唔算，而且我哋喺香港，唔使太在意辈份，唔系咩？」

金俊宇扁著咀不出声, 他不是在意辈份, 而是在意雅琪的想法…除了因为雅琪把他当弟弟般照顾有加, 更重要的是她能决定哥哥能否住在这边!

俊宇今天跟师父开完会后, 马上把握时机问「师父, 关于哥哥黎住既事…如果佢交租, 可以留低同我一齐住吗?」

「哈!睇黎哥哥唔同你住, 先会令你分心㖞…你已经问左几次」

「师父, 我保证我既稿唔受影响, 全部都会按时交到架…你俾哥哥同我一齐住…」俊宇说

「好! 你问Nuna, 佢话得就得! 记得下星期交稿, bye~」

雅琪在整理超市买回来的东西, 俊宇拉著哥哥一起帮忙…

「唔使啦…你地过去坐啦, 我好快执好」雅琪说 「谂下今晚食咩好? 我地出街食」

「嗯…好啊…nuna , 哥今日请客啊, 系咪啊? 哥」他望向哥哥

「啊! 臭小子, 一见面剩系识叫哥请食饭!」金俊亨

「你要请nuna食饭啊」他小声的说

「请系无问题, 不过原因? 因为佢靓?」俊亨不解

「因为你要喺度住啊!」

「吓? 琪琪系矢口力? 师父?」俊亨大声的说夹著惊讶的表情！

「殊….唔系啊」

「你地倾紧咩啊? 好似听到我个名」Aki 抬眼望过去, 见兄弟二人鬼鬼祟祟。

「Aki nuna …系咁既…师父话…」

「唔使讲…」

「nuna! 」俊宇急得鼓著腮 。

「我知道喇…你想哥哥喺度住嘛…」

 俊宇一脸期待的望住她「规矩一样…要自己处理个人用品, 钟点阿姨只会定时打扫, 唔准带朋友过夜…仲有…」

「唔准带女朋友返黎!」俊宇抢先答

「欸? 你有女朋友啦? 点解我唔知」金俊亨马上笑他, 随即又问 「嘻嘻…咁琪琪有无带男朋友返黎?」

Aki 反他白眼「关你咩事」

「关…你要求我地有规则, 应该大家都遵守啊, 唔系咩?」

「哈! 可以啊!」

「嘻嘻…唔准带女朋友返黎, 如果琪琪系我女朋友既话…咪应该唔犯规啰, 呵?」他笑说

「hyeong!」俊宇汗颜 (哥, 你唔好喺呢D时间仲顾住撩妹!)

「哈哈哈…我只系打个比喻…」

「放心…我无认真」Aki 反驳

「唔…琪琪好冷漠」

「小宇! 」

「哥….你正经啲! 你要答应遵守先可以喺度住」

「ok, 无问题! 不过我要俾返租金…」

「佢师父话唔使租金…反正房间空著…你要俾就俾伙食费」

「好」

「欢迎你, 金俊亨」韩雅琪大方的主动握手, 她从来不拘小节, 对于刚刚俊亨的轻挑只当作是弟弟开玩笑, 并没有放在心上！

正因如此, 韩雅琪在俊亨心中留下了相当好的初印象！

待续..