Say Yes (2)

「啊? 我無啊…我唔係」俊亨一時慌了, 怎麼那女生突然變臉。

「你話自己住呢度, 呢度一梯兩戶架咋! 你再唔走我call security!」她怕眼前男生會做什麼, 決定先聲奪人, 最少不要讓對方覺得自己是弱者！

「誤會啦…我係金俊亨…我…」俊亨想解釋被她打斷了。

「我理得你係邊個, 呢度姓韓! 金咩俊亨!!! 」她連珠炮發, 見他一臉無辜的表情, 稍微冷靜一下便問他「咪住先…你話你叫金…俊亨?」

「嗯…我係黎搵我細佬金俊宇」他平靜的說。

「Er…咁佢今年幾多歲丫? 做D咩?」她提防著。

「21歲…漫畫家矢口力既徙弟, 喺香港實習」望住眼前的她, 金俊亨莞然一笑 (會動腦筋…自己求證…香港女仔果然比較理性有智慧)

「唔好意思…我誤會左, 你好! 我係韓雅琪 」她向俊亨點頭, 下一秒又皺眉「 但係…你啲行李呢?」

「啊~~~~~~喺便利店!」經她一提, 俊亨這才想起來。

「吓! 咁我放低D野即刻同你去搵啦!」她緊張的說。

金俊亨傻傻的站在走廊等, 不明白她為何緊張 (行李唔會有人偷, 而且便利店那個姐姐人好好啊~)

「係咪前面間便利店? 超市前少少..」雅琪問

「係啊」

店員婦人一見到他便殷勤的說「哎呀!你返黎喇…咁大件行李都漏低, 好彩我幫你放好」

「Ling 姨」雅琪跟婦人打招呼。

便利店是加盟特許經營店, Ling 姨是老闆娘; 她跟老公住在附近屋苑, 老公過身後,  兒子怕媽媽悶, 就開了一間店給她打發時間。雅琪一直住在這裡, 常到便利店光顧, 跟Ling 姨熟悉！

「雅琪, 你地識架?」Ling 姨問

「俊宇哥哥…」她說

「哈哈, 姐姐, 原來我地都識, 真係巧合…好彩你幫我收好件行李…」俊亨說

韓雅琪聽到他喊姐姐, 回頭驚訝的望他 (姐姐? Ling 姨喎!)

「嘻嘻…小事小事…啊, 你係俊宇哥哥, 即係韓國黎…」Ling 姨轉身到架上取了一堆零食塞到他懷裡 「試下呢啲…韓國應該未有架…俊宇都鐘意食呢…哈哈」然後一臉姨母笑的望住他。

「哈…哈…多謝姐姐….太客氣啦…有機會我同俊宇請你食飯」俊亨笑說

他的話哄到Ling 姨笑不攏嘴…因為要提行李箱的關係, 雅琪幫他捧住零食, 幸好已停雨。俊宇已經回家, 聽到閘門聲便開門探頭 「nuna…哥哥到…」話未說完便見到俊亨。

他上前抱住俊亨開心大叫「hyeong!」

「哈哈…俊宇…我黎左啦!」金俊亨見到弟弟也很開心。

俊宇把哥哥的行李拉進屋內…「nuna…我地過黎幫你…」他見雅琪捧住一堆零食, 想必是去了超市/便利店買食物！

「嗯…呢啲你放入屋先, Ling 姨請你地食既」雅琪淡淡的說。

「nuna 예쁘다 재미있어 보인다」 俊亨突然跟弟弟說韓文，意思是姐姐果然漂亮，看起來很有趣。

「hyeong!」俊宇馬上想阻止⋯

「왜？」 

「Kam sa mi da」雅琪笑著回應他。

「nuna 識聽」俊宇跟哥哥說，示意不要故意說韓文，免得說錯什麼話尷尬。

「哈⋯哈哈，原來琪琪識聽」金俊亨笑說

「咩丫？你叫邊個？」雅琪望一眼他。

「哥！係Aki nuna啊！要叫nuna廣東話係姐姐」俊宇提醒哥哥，雅琪比他還大一歲。

「唔使喇，你唔好叫」她聽到姐姐馬上阻止，就想起金俊亨叫Ling 姨姐姐，Ling 姨是五十幾歲嘅中年婦人，自己才不是跟她同輩！

「哦？你都唔想係我姐姐呢？」俊亨輕挑的笑說

「nuna…」俊宇跟在她身後 「你唔鐘意哥哥？定係嬲？」

「唔係啊⋯」

「咁點解nuna 你咁講？」俊宇有點不知所措，他怕兩人不和，那麼哥哥便不能留在這裡，他肯定nuna 跟師父有關係，只是不知道是哪一種！

「你知唔知佢叫Ling 姨做姐姐啊⋯⋯」

「啊？？？哥！Ling 姨係阿珠媽！」

「哈哈….俊宇啊，我叫佢姐姐佢好開心啊….大過我五年以上先算姐姐，琪琪唔算，而且我哋喺香港，唔使太在意輩份，唔係咩？」

金俊宇扁著咀不出聲, 他不是在意輩份, 而是在意雅琪的想法…除了因為雅琪把他當弟弟般照顧有加, 更重要的是她能決定哥哥能否住在這邊!

俊宇今天跟師父開完會後, 馬上把握時機問「師父, 關於哥哥黎住既事…如果佢交租, 可以留低同我一齊住嗎?」

「哈!睇黎哥哥唔同你住, 先會令你分心喎…你已經問左幾次」

「師父, 我保證我既稿唔受影響, 全部都會按時交到架…你俾哥哥同我一齊住…」俊宇說

「好! 你問Nuna, 佢話得就得! 記得下星期交稿, bye~」

雅琪在整理超市買回來的東西, 俊宇拉著哥哥一起幫忙…

「唔使啦…你地過去坐啦, 我好快執好」雅琪說 「諗下今晚食咩好? 我地出街食」

「嗯…好啊…nuna , 哥今日請客啊, 係咪啊? 哥」他望向哥哥

「啊! 臭小子, 一見面剩係識叫哥請食飯!」金俊亨

「你要請nuna食飯啊」他小聲的說

「請係無問題, 不過原因? 因為佢靚?」俊亨不解

「因為你要喺度住啊!」

「吓? 琪琪係矢口力? 師父?」俊亨大聲的說夾著驚訝的表情！

「殊….唔係啊」

「你地傾緊咩啊? 好似聽到我個名」Aki 抬眼望過去, 見兄弟二人鬼鬼祟祟。

「Aki nuna …係咁既…師父話…」

「唔使講…」

「nuna! 」俊宇急得鼓著腮 。

「我知道喇…你想哥哥喺度住嘛…」

 俊宇一臉期待的望住她「規矩一樣…要自己處理個人用品, 鐘點阿姨只會定時打掃, 唔準帶朋友過夜…仲有…」

「唔準帶女朋友返黎!」俊宇搶先答

「欸? 你有女朋友啦? 點解我唔知」金俊亨馬上笑他, 隨即又問 「嘻嘻…咁琪琪有無帶男朋友返黎?」

Aki 反他白眼「關你咩事」

「關…你要求我地有規則, 應該大家都遵守啊, 唔係咩?」

「哈! 可以啊!」

「嘻嘻…唔準帶女朋友返黎, 如果琪琪係我女朋友既話…咪應該唔犯規囉, 呵?」他笑說

「hyeong!」俊宇汗顏 (哥, 你唔好喺呢D時間仲顧住撩妹!)

「哈哈哈…我只係打個比喻…」

「放心…我無認真」Aki 反駁

「唔…琪琪好冷漠」

「小宇! 」

「哥….你正經啲! 你要答應遵守先可以喺度住」

「ok, 無問題! 不過我要俾返租金…」

「佢師父話唔使租金…反正房間空著…你要俾就俾伙食費」

「好」

「歡迎你, 金俊亨」韓雅琪大方的主動握手, 她從來不拘小節, 對於剛剛俊亨的輕挑只當作是弟弟開玩笑, 並沒有放在心上！

正因如此, 韓雅琪在俊亨心中留下了相當好的初印象！

待續..