Say Yes

「Aki nuna ⋯今日係18號啊⋯⋯我下晝仲要同師父zoom meeting，所以⋯嘻嘻…」金俊宇腼腆的說

「所以今日拜托我等你哥哥到埗嘛⋯知啦，講咗好多次啦！」雅琪伸手摸摸對面男生的頭「小宇！你信我唔過？哼！」

「唔⋯我唔係小朋友，唔好叫小宇」俊宇鼓起腮

「係⋯係⋯係⋯俊宇oppa! 得未?」俊宇聽到笑呵呵，笑得一臉稚氣

金俊宇-港韓混血兒，20歲，釜山出生，媽媽是香港人，爸爸是韓國人。俊宇是家中幼子，對上有一個哥哥，比他大7歲。畢業於美術學校，一年前透過甄選成為漫畫家「矢口力」的徒弟⋯不過至今還未有人見過這位漫畫家。師父要求他到香港實習，父母不單沒有反對，反之甚為支持，對於俊宇能做自己喜歡的事感到欣慰。當初俊宇得知消息，乍驚乍喜，擔心會不會被騙，卻又很想要出走試試。金父的一席話給了他信心⋯
「香港人係好叻⋯好有人情味既，唔會咁有機心仲特登搞一場甄選活動去呃人！你係半個香港人，當返媽媽屋企，知唔知?」

為期五年的實習，雙方簽訂合約，金俊宇便隻身到港，幸好媽媽自小便教他們廣東話，所以溝通不成問題！媽媽說「廣東話一定要識，係我哋嘅語言，係媽媽既母語⋯重點係，我哋講廣東話呢度好多人唔識聽，嘻嘻，咁我哋就可以講秘密啦，例如講爸爸壞話⋯哈哈！」

俊宇最不捨就是哥哥，在首爾讀書時，他跟哥哥住一起，二人感情很好。俊宇一直視哥哥為偶像, 除了外貌出眾外, 待人接物從來都不卑不亢, 常常受到各人的稱讚; 但也不失個性, 一直忠於自己的想法去追求人生目標…今次來港, 也就是他一直以來努力爭取的。

哥哥金俊亨, 於韓國化妝品品牌公司工作, 市場開發部, 公司今次派遣他到香港拓展市場, 成為開荒牛。

金俊亨左手拿著手機看，右手拉著行李箱，站在街角四處張望⋯⋯（嗯，香港既路有點複雜，同GPS有點對不上啊⋯⋯)

他走進前面的便利店，買了兩枝果汁。見店內人流不多，他向店員問路⋯

「Hello 姐姐，請問你知道點行去呢度嗎？」他把手機遞給她。店員是位中年婦人，抬眼看到眼前的帥哥，叫自己做姐姐，頓時心花怒放，認真的在幫他看地址。

「哦～好近咋！呢度前少少有間超市既⋯直行到轉角，見到間pizza店再轉右再行前幾座就到」

「啊⋯⋯明白，嘻嘻，Thank you」他微笑 「姐姐，請你飲」把手中另一枝果汁遞給她。嗯，這就是他本來買果汁的目的，因為想要問路。

「啊？哈哈，唔使唔使⋯你自己飲啦」婦人臉帶紅暈（居然有靚仔請我飲野，呵呵）

「哎呀！做乜突然落大雨架？你⋯有無遮啊？」

「啊？我？我無啊⋯⋯」他一臉懵懂的答

「好在未賣曬，仲有一把，嗱，攞去用」婦人找到一把長傘給俊亨。

「請問幾多錢？」他打開錢包要付款

「欸⋯唔使唔使，由得佢啦！」

「唔該曬姐姐⋯嗯⋯我會住附近，我遲啲還返俾你？」

「好⋯好，多啲落嚟」婦人笑呵呵

金俊亨站在店外打算先看看大概路線才起行，一個女生眏入他眼簾。女生剛從超市出來，手提兩大個購物袋，突然下雨的關係，行人路突然變得水泄不通，有人走進超市避雨撞到女生一下。

俊亨撐傘大步走過去 「我遮埋你吖？」

「Er…但我去得有啲遠，加寧街嗰邊」她猶豫

「加寧街？我都同路」俊亨記得地址是寫這個街名。

女生看看眼前的人樣貌端好，眼神真摯，不像壞人啊 「咁唔該曬」

俊亨撐著大傘跟女生並肩而行，騰出的手想幫忙提購物袋「不如我幫你拎一袋？」

「哈，我自己得架啦」她禮貌回覆

「睇落好重，我幫你拎一袋，大家可以行快啲咁唔使淋雨嘛」他微笑

「嗯⋯⋯麻煩晒你」

「我到啦，真係唔該曬你啊，bye bye」她道謝後轉身鑽入大堂。發現男生跟在她身後….

「咦？你⋯都係住呢度？？」

「啊⋯係⋯」他有點支吾以對 （應該吧！我未同俊宇傾過呢個問題，唔知佢師父….）

俊宇實習期間，食宿都是由他師父為他安排的，所以俊亨不肯定是否可以當合租，有待商榷

女生輕皺著眉(仲要同一部lift…唔通新搬黎?）

他們進入電梯，他見她兩手提住東西，好心想幫她按鍵 「你幾多樓？」

「18⋯」說完便怪自己一時口快 「唔該」

她觀察著男生⋯（佢無禁佢嗰層既⋯奇怪）

屋苑每座22層, 每層4個單位; 再細分兩邊AB座, 即一梯兩戶…她住BA, 對面住的是小宇！

叮! 18樓 (我出唔出去好呢…唔通佢係去A座, 唔識搭lift….但佢又話自己0係度住…) 她還是快步出去了…擰轉身…眼見男生果然跟住她…

「你做咩跟住我?」

待續…