Hen to Pan

Hen to Pan 意思係一即全，全即一。

第一次聽呢句說話係細個睇鋼之鍊金術師（曝露年紀tim🤣）當時我仲細唔太明白呢句說話嘅意思。到我最近上RYT200瑜伽導師課程，老師話比我知其實我同宇宙一樣，都係由阿育吠陀五大元素：火 (fire) 、水 (water)、土 (earth) 、氣(air) 同空(space/ether) 組成。

我好似明少少🤔？！於是就更加想好好學習瑜伽，去了解自己、了解世界。同時，傳統巴哈花精有38種好似好繁複，但其實佢哋本質一樣係平衡相應嘅負面情緒，最終都係希望達至心靈上嘅健康、平衡⚖

呢十年我不斷喺社會浮浮沉沉，做過好多唔同嘅工種，最後居然選擇細個讀書時最怕做嘅文職工作。不過，事實又未必同想像中一樣⚠️細個怕悶但原來文職工作都可以好有挑戰性！

轉做文職工餘時間多過以前好多，亦令我決心投放多d時間喺自己鍾意嘅事物上。喺呢到我會分享傳統巴哈花精同瑜伽嘅資訊，歡迎follow/交流 Namaste🙏🏻