男人玩嘢

女人会话男人唔够浪漫，其实话得无错。男人嘅浪漫，穷得只有信仰和偏执，于现实与幻想间藕断丝连。

男人嘅浪漫，源自小玩意，系对细节某一元素嘅执念。饮咖啡，由exprssso 可以饮到single origin。玩hifi，换条线，旁人听不出分别，却执于相信新插头同埋镀银线路正在起作用，仲同你讲：正打算换埋加强版电容器。

川保久龄，为时装定下线新定义条，固然系潮流icon，但山本耀司 同 Issey Miyake就会 玩埋剪裁同布料之间嘅空间感，深究沈迷于某一substance, fabric 中。

女仔固然有注重细节者，但通常会注重最终效果为前提，佢挂住唇膏嘅颜色分别，因为深浅差两度就同修容粉唔夹。但系对男人嚟讲，结果未必系最大考量，有时会求过瘾与使用中嘅satisfaction 。

林公子跑完伦敦马拉松，买俾自己嘅手信，系个铁铅笔刨。系份小玩意：朝早做完《晴朗》，画完Facebook 小插图，刨颜色笔，都刨得满足啲。

植村秀 主张 脸即画布；妆容即艺术，著重工具，尤甚于画家重视画笔，某程度就系脱离咗呢份现实感。一谂起Shu Uemura 会谂起 工具控，《穿Prada的恶梦》亦只会提起shu uemura嘅睫毛夹。此公80年代设计眉笔，唔单只著重笔芯formula, 仲谂埋个笔头形状，最终成品，原来系naginata， 日本刀。

讲到浪漫，女生会幻想涂上唇膏，灵魂飞脱躯体，化身公主；而身旁嘅男人呢，于现实中又游离在一己空间：思考紧点用小配件，为Walkman 带来一番小升华；

又或者，觉得用日本刀型嘅眉笔

著实别致。到头来，浪漫唔系幻想，而系自我陶醉。

迷人小小玩意，竟可化成大志。

认清男人嘅玩嘢浪漫，就发觉自己不再是少年。少年，我已经不太年轻了。