厠 所 文 章

廁 所 文 章

以前我們戲稱所寫的文章一屁不通的為之「廁所文章」。

今天草民又不妨「塗鴉」：

90年代前香港大多數的公共🚾都是廁紙欠奉，可能當時政府「窮」。通常都是「貴客自理」，在急起上嚟的時候，公事包💼裏莫講話報紙、銀紙都要「照殺」，故此搞到廁所菸塞要花大筆錢去通渠，結果「慳」不償「失」？寧願加「送」廁紙！

之不過「衞生局局長」好會「知慳識儉」，成幾個廁格祗供「一卷廁紙」放在外面，用意是什麼？

「資源共享」、防止市民「濫用」，「辦公」前先攞定格數。

不過未出「娘胎」都唔知是「龍」、是「蛇」，更何況「開大」成點？

穩陣計當然是攞多幾格，以「便」急時之需，唔通學當年我係ATV 果陣，「老邱」規定每人祗能用兩格咩？

當然預多好過預少，更何況「屎」急馬行田，急起上來，除咗剪刀✂️外乜紙都用上了！

一人多幾張，那麼上手用剩的你會唔會「翻炒」呢？起碼先懐疑「吻過」未呀？

總計起上來係咪比起每廁一卷虛耗更大？

不過你有你講、佢有佢做，反正「阿喇」好少用「公廁」，係咁先啦！