【謎底終於解開】自由工作者 (Freelancers) 同兼職員工 (Part-time) 有咩分別?

Freelancers
自由工作者
Part-time 員工 /
Full-time 員工
自僱人士 僱員
繳交利得稅 (自行申報) 繳交薪俸稅 (僱主報稅)
《僱傭條例》不適用,
依賴相方訂明項目合約
受勞工法例規《僱傭條例》保障
員工守則》不適用,
​依賴相方訂明項目合約
員工守則約束
在家 / 遠端工作 (普遍) 公司上班工作 (普遍)
Project-based 項目報酬
 (普遍)
時薪 / 月薪
(普遍)
以自僱人士身份自行申請強積金供款計劃

僱主及僱員均須供強積金
(僱主為員工辦理)

無員工福利 公司員工福利 (如有)
離職「通知期」並不適用,
雙方依合約內容完成責任
離職 / 解僱時,
根據勞工法例或合約訂明
需向對方提供「通知期」

遣散費及長期服務金不適用,
雙方依合約內容完成責任

若受解僱情況適用,根據勞工法例,
給與遣散費及長期服務金

 

不同的合約關係

簡單黎講,自由工作者 (Freelancers) 係自僱人士,同合作公司 (Project Owner) 係一種服務交易既關係;
而兼職員工同僱主係僱傭關係,兼職員工屬於勞工,受到勞工法例既保障同公司員工守則既管束。

 

兼職 Part-time

在法例上並無Part-time 和Full-time 員工之分別,只要員工受僱於同一僱主4星期或以上,而每星期最少工作18小時,他的僱傭合約便屬「連續性合約」,員工即受到勞工法例下的保障。

// 不少人都對「兼職」僱員的法定僱傭權益存有誤解,以為「兼職」僱員不受勞工法例所保障。其實,《僱傭條例》只界定 何謂按「連續性合約」受僱的僱員,而沒有「兼職」僱員這 概念。換句話說,僱員無論是擔任「全職」或「兼職」工作, 他們都會受到法例的基本保障,而符合「連續性合約」受僱 的僱員,則更可享有法例賦予的權益。

根據勞工署指引:僱員如連續受僱於同一僱主4星期或以上,而每星期最少工作18小時,他的僱傭合約便屬「連續性合約」。 //

《僱傭條例》的基本保障包括: 

  • 工資支付的保障
  • 扣除工資的限制
  • 法定假日的給予
  • 生育保障(禁止指派粗重、危險或有害工作)
  • 僱傭保障(不合理及不合法解僱)
  • 職工會會員不受歧視的保障
  • 僱主提供僱用條件資料的責任等

更多詳情,可參閱勞工處出版的《僱傭條例簡明指南

然而,有權利就有義務,僱員會受到勞工法列同公司員工守則所約束,例如辭職需有適當通知期等等;兼職員工比較常見既薪酬方式係時薪。

 

Freelancers (自由職業者)

相對而言,Freelancers 係屬於以自僱人士(self-employed)形式出售服務,並不受僱於任何公司,同合作公司(Project Owner)並無僱傭既關係,
而屬於一種合作 / 服務交易既關係,Freelancers 同合作公司之間係一個服務交易的合約性質。因此,Freelancers 不會受到《僱傭條例》的保障,
包括最低工資、勞工保險,大假、僱主強制性強積金等等都唔會享有。

反之,由於唔係受僱於任何公司,Freelancers 唔會受到公司既員工守則(Employment Contract)所約束,例如好多公司既Full-time工作合約都會訂明員工不可以有兼職 / 其他外快工作,係呢方面Freelancers絕對可以享有更高的工作自主自由度,如合約協議並無指明,一般都可以同一時間接唔同公司既Jobs,自由地做一兼多職既Slash一族,亦都係好普遍,當然大前提係要有做好時間管理Handle得到。

值得一提既係,因為無左勞工法例既基本保障,Freelancers要保障好自己收益,就要同合作公司有好既溝通,將提供既服務細項(Scope) 同價錢係報價單 / 合約上清楚訂明,避免爭訟。

另外,因為屬於一個出售服務既合約關係,好多時Freelancers既工作地點同時間都自由,只要係deadline限期前完成交到貨,就已經係完成左項目既職責內容。
Freelance Project 好多時報酬形式都會採用項目報酬 (Project Based) 。

關於稅務責任,Freelancers並唔係合作公司既員工,僱主係唔會幫Freelancers報稅,因此Freelancer唔洗申報繳交薪俸稅,但根據香港稅務條例,Freelancers本身亦要以自僱人士身份,依據利潤收入申報利得稅,詳細可以睇返勞工署同稅局網站。

 

HKESE 香港自由工作平台

HKESE 是由2017 年成立於的新世代自由工作平台,以推動新自由工作模式為使命,無論你是正在尋找Freelance 自由工作,又或是各類全職、兼職,短期工作,你都可以利用HKESE 平台,輕鬆搵到你既理想工作,開始使用HKESE 平台搜尋最新筍Jobs

 

本文為HKESE 編輯原創編撰,原有轉載請註明出處。

參考資料:

* 僱傭條例簡明指南
* 兼職員工簡明勞工法例保障
* 自僱人士的稅務責任
* 強積金:自僱人士
取遣散費 / 長期服務金的資格

 

本文由作者【HKESE】創作刊登於HKESE,如未經授權不得轉載。
創作者
創立於2017年,HKESE 是新世代工作者平台&社群。我們致力建造創新平台,滿足新世代的求職徵才需要,同時連繫新世代人才,一起探索未來新工作模式,讓Work-Life Balance 變得觸手可及。
回應
Blogger / 內容創作者 / 作家大招募
投稿刊登你的文章,成為HKESE 平台作家
HKESE 自由作家計劃