交换衣服攻略

减少消费：交换衣服

我以前买衫，谂到有咩方法唔洗用咁多钱，之后我谂可以以物易物，或者用少少钱换衫。我好耐前已经咁做，同人交换衫著，但系件衫要干净，我先会交换，换返嚟之后会洗一次之后先用。我同人地联络，收集左好多衫，原来好多人有衫唔要，有啲买返嚟著左一两次就无著。所以我已经好少买衫，而且够衫著。（面衫、外套同埋裤。）

好多香港人怕著二手衫，听到都会抗拒，其实无咩问题。可以试下，咁样又唔洗晒左件衫，又唔洗用到好多钱。

交换衫有两种方法，第一个方法系联络左对方，用Whatsapp影低你想交换既衫，对方同意后，之后就去人地屋企度，或任何约定地方收集。

第二个方法系用一蚊同人地交换一件衫。好多人都愿意俾，都系联络好对方之后，就去人地屋企或任何约定地方，咁人地就会预备好想交换既衫。到时你可以慢慢同佢倾，你可以拣你钟意既衫，唔一定要拎晒人地交换既衫。我有时候因为咁样而识到好多朋友，你地都可以试下。

你地可能谂到安全问题，去人屋企会唔会有事？我尽量都会同对方倾左计先，好多时有师奶或者后生女联络我，咁耐以嚟都系安全既，你可以约系大街大巷交收，或者人地屋企楼下，咁样系有人既地方，你可以确保你既安全。就算去人地屋企都唔洗担心，因为大家为左交换衫，交收完就走，都唔会有咩事。我就系因为咁样去过好多唔同既屋企，三千尺豪宅、公屋、居屋、汤房都见过，识到好多人，佢地好热心，多年都会联络你叫你去交换衫。除了衫都可以换其他饰物、摆设等等，都系交换或者用低价去换，咁大家都有得著。

一方面唔会晒左啲衫，另一方面又帮到人悭位，呢个做法其实唔错，所以我系度同大家推介呢个方法。

有时候收到唔想要既衫可以直接同对方讲，唔洗惊会影响到人，对方会另外自己再处理啲衫，大家有倾有讲，仲会继续联络。你可以招募啲你想要既款式或者年龄层既衫，例如后生女潮流服饰，就会有师奶联络你，佢地收到会同个女一齐执衫，之后等你嚟到就会有得拣衫，最好同对方倾下计，咁对方下次都会肯同你交换衫。

讲明要新净，太旧就唔好收，卫生问题，通常普通人都会保存得几好，呢样要睇清楚先好收。

任何地方都有好衫，唔好太怀疑人地啲衫。

有时有人会俾内衣你，我通常唔要，但如果系全新既同埋你好钟意，你都可以照要。

有时啲人会讲价讲多几蚊，你都可以应成，唔好太执著果几蚊令大家唔开心。

我试过有啲人会逐样逐样慢慢讲件衫特别或者钟意既地方，俾耐性慢慢听，大家都系交流，理解物件对果个人既意义都唔错。