唔想打工？做 Freelance自由工作者的8大貼士

隨著企業模式嘅改變，香港出現愈來愈多嘅 Freelance Job，如果你可以建立到Freelance相關嘅人脈，Freelance嘅收入甚至可以成為你嘅主要收入來源！自由工作雖然彈性，但無論你想成為一個全職Freelancer，或穩定地用Freelance獲得第二收入，都有好多嘢需要注意。以下係8大接Freelance貼士！

1）接 Freelance ，點計錢？

對好多人嚟講，接Freelance最難搞嘅係到底應收人幾多錢。Freelance收幾多錢，當然要睇你做嘅係乜嘢Job，不過其實都有簡單嘅方法幫你計算報酬。

接Freelance時，你當然要問清楚工作性質同幾時交貨。而你其實可以先訂立自己嘅時薪，然後思考該份工作需要花你幾多小時完成，咁就可以計出你嘅「最低工資」。如果你可以自己開價，就以此最低工資為底線，開高一點，睇下對方會唔會接受。

例如你係一名有經驗嘅文字工作者，接咗一份500字嘅客稿，你覺得自己嘅時薪係值$300，你需要花兩小時完成，咁你可以嘗試開價$600或以上。

你或者會覺得工作好難量化成時間，但其實做落唔難。某些行業例如律師，就一直用呢種方法計算收費的。

另過，透過HKESE，你會有好多機會接觸到想搵FREELANCERS幫手既僱主或者俾僱主發掘你，
建議大家登記成為會員既時候，花多D時間填好你既FREELANCER PROFILE專業個人資料，增加自己嘅曝光率，可有效提升搵到筍JOB既機會。

2）討論完工作條件後，寫一個Email 給對方Confirm吧！

好多時大家都會通過傾電話或見面確認工作條件，但當確定工作內容後（主要內容有：工作性質、修改次數、交貨時間、工資、支薪時間、支薪方法等），記住要傳一個Email給對方，確認工作嘅條件，以保障雙方嘅權益。當然，如果方便嘅話，最好就係雙方簽訂合約，但係香港好少會咁做，傳個Email會係比較常見嘅折衷做法。

3）在Deadline前交貨

你可以嘗試在接Freelance時，為自己爭取多一兩天的工作時間，永遠不要做Deadline Fighter，或過死線後不交貨。會外判工作嘅公司，好多時收到貨後都要經過不同人Approve，對比準時同質素，佢哋往往會寧願選擇準時嘅Freelancer。

4）時刻整理自己嘅Portfolio

Portfolio唔單止可以俾潛在客戶睇到你嘅作品，而可以幫自己整理經驗。你甚至可以將Portfolio轉化為網站或Facebook Fan Page，咁樣可以令你建立更多人脈！

5）完成工作後，詢問對方有什麼可以改善

呢點好少Freelancer會做，但其實十分重要，證明咗你重視呢份工作，並是一個可信賴嘅人，可以建立長期嘅合作關係。

6）Freelance稅務問題

作為社會嘅一分子，交稅係每一個合資格公民嘅責任。因為外判工作俾你嘅公司都會報稅，Freelance嘅收入理論上係需要報稅的，甚至係需要申請商業登記證的。但你可以選擇以公司或個人名義去收錢，呢個就睇你自己嘅財務安排喇。

7）走出Comfort Zone，認識不同圈子的朋友

好多時，你朋友嘅專長會同你差唔多，你其實好難從已有朋友圈中得到Freelance機會。去認識欠缺同你一樣專長人士嘅朋友圈吧！

8）自律和管理

Freelancer好像比較自由，時薪往往又比全職工作高，但其實反而比全職工作更需要自律。如果你想當一個Freelancer，建議你不要直接辭掉全職工作，反而應該多做不同的全職工作建立人脈，善用公餘時間做Freelance，了解自己嘅工作速度同時建立紀律，你嘅Freelance先會長做長有！