体验工作之当一天爆肝设计师

斜杠族：高比重的技能中设计应该能选上首位吧！

不才的我，画火柴人都算出众，但靠住系甘易上过下啲ai ps啲课程都识将啲野拉黎拉去，改下图，退下背啲基本野既...

机缘巧合下，朋友既老板想揾个人去设计张宣传单张...
睇左朋友send黎既资讯大纲，感觉上系可以俾我一展所长，又有得设计下，本住收翻“车马费“就算，当有练下手既机会就接左呢个人生第一单设计工作黎做啦，无谂到，呢个体验就令我可以感觉甘无力感up  up....

第一天：
得到手绘的大纲，公司是买卖收购高级碗表，宝石等的，老板的要求大概有几样
1.一页中文一页英文公司资料 
2.第二页要保留位置贴邮票地址
2.想用Tiffany Blue渐变色背景
3.大概俾左8张图(无退背的网上图)
4.希望啲图全部出现系宣传单张

收到信息的当下：(黑人问号样)
有反映翻我既小小意见，
如果用甘多唔同种类既产品系同一面会好乱好花，
另外实体相会有啲唔夹个Tiffany blue背景，可能会无甘高级感....bububu啦...
然后无一张图系png档
甘都系本住练手既心态做啦，甘整完啦
send第一次

实际做左：
1.Tiffany blue背景渐变色，大概一半Tiffany blue 
2.颜色上较浅左少少，令只色衬落无甘突厥
3.加上自己谂到既钟表齿轮设计系背景，都系透明度高少少既做衬托
另一边就用钻石切割片设计做背景
4.将图退背加上
5.将产品分两页分配，一页钟表，一页宝石+介子
6.字型两边中英文有特别挑选

第一次得到回复：
老板：啲字体呢，，我钟意统一啲...
个Tiffany blue可以多啲，白色少啲
两边可以一样
希望放晒全部图系一页，然后两边都系甘
，个背景齿轮设计几好可以发扬光大，两边背景一样，保留地址个位可以留多啲

呢个时候，我内心既os又出现...一开始明明唔系叫我自由谂摆位靓就ok？白色少啲即系少几多？地址位我一早问要几大尺寸又迟迟无回复...即系宝石个页背景我一开始就唔应该搞？重点就系：点解一开始唔讲清楚你心目中既谂法要人做一轮先讲其实点点点？

最后就紧系：好好好，我改完俾你再睇下啦～

第二日重新send多次：
啲字可以细啲
个背景钟表齿轮可以实色啲
啲表可以放上啲
摆位你睇下用你观感摆得好啲
我想要埋好多钻石张相(继续系无退背既大概系有大有细十几粒钻石相)
老板就覆多句：啊，呢张相会唔会退背太烦啊？一系放白色最边边，甘咪可以唔洗退背啰～

甘我已经放弃争扎，继续：啊好好好，请问仲有无咩要求？

如是者改改改完，佢都系觉得唔够多Tiffany blue(张十几粒钻石既白背图大概占四份一位置，而老板系非常想全部钻石都出到场)

然后佢唔知那门子得到一个灵感：啊甘我唔要呢个背景啦
就send张好花既现成相俾我(但张宣传单张已经有成十样八样产品相系到)
下，，但系甘会好花嫁㖞我要提提你先

另外佢有个喜好就系背景系钟意好实色...

好啦甘我再send俾你啦

到而家我都仲未完成到呢一单亦唔知会唔会顶唔住完成唔到既“设计job“...
人工就未到手，但我都得到个好深刻既工作体验，我终于都明白点解好多设计师都甘厌世，成日都好攰甘，因为付出既除左系技术，仲有情商同会打击既“心灵力“
唔知各位斜杠们又钟唔钟意呢啲新体验呢？