卓越的謎“師“

唔知由幾時開始，律師，老師，會計師...等等總之有個師字尾既工種就會俾人一種高人一等既感覺，咁事實上係咪做到乜乜師就可以令你過上美好既生活呢？

不過，香港人的轉數就係夠快，就算你無特別既職場技能，都可以自制“師級“銜頭既，滿足下這該死的優越感～

係斜槓生活中，我相信每個人都有自己既屬性，有人設計好靚，ps，ai甚至平面設計，就會有插畫師，設計師，手作能力高既，皮革設計師，手工藝師...
甚至就算如我呢啲無乜藝術天份既，比較勞力屬性既斜槓都可以做寵物美容師，膳食物流師，速遞師等等...

職業無分貴賤？
我相信表面多數人都會認同，但內心點都會為每個職業分左等級；唔通對住乜乜師就要恭恭敬敬，對送外賣，風吹雨打拎野比你食既人就唔值得尊重？

其實，工作既本質最大既部分係賺取金錢去改善生活，其次就係得到權力加上工作滿足感甚至優越感，當然心理層面既滿足係好重要，但我諗無錢但有優越感既工應該無人做呱？？

但一個普通既人點先可以係有限既因素同資源下兩者皆得？
係呢到，又要發動特別技能....心態逆轉大法啦～

唔知係你心目中對自己既工種有幾自信啦，但就算係做清潔，拎行李等等一般被忽視既工種，只要做得心態保技良好，係佢工作範圍上做到卓越，都應該為自己稱上“師級“的認可吧！

最重要的，唔應該靠人地對你既認可去判定你工作既成果，對自我既認同更為重要和令你走得更遠...