卓越的谜“师“

唔知由几时开始，律师，老师，会计师...等等总之有个师字尾既工种就会俾人一种高人一等既感觉，咁事实上系咪做到乜乜师就可以令你过上美好既生活呢？

不过，香港人的转数就系够快，就算你无特别既职场技能，都可以自制“师级“衔头既，满足下这该死的优越感～

系斜杠生活中，我相信每个人都有自己既属性，有人设计好靓，ps，ai甚至平面设计，就会有插画师，设计师，手作能力高既，皮革设计师，手工艺师...
甚至就算如我呢啲无乜艺术天份既，比较劳力属性既斜杠都可以做宠物美容师，膳食物流师，速递师等等...

职业无分贵贱？
我相信表面多数人都会认同，但内心点都会为每个职业分左等级；唔通对住乜乜师就要恭恭敬敬，对送外卖，风吹雨打拎野比你食既人就唔值得尊重？

其实，工作既本质最大既部分系赚取金钱去改善生活，其次就系得到权力加上工作满足感甚至优越感，当然心理层面既满足系好重要，但我谂无钱但有优越感既工应该无人做呱？？

但一个普通既人点先可以系有限既因素同资源下两者皆得？
系呢到，又要发动特别技能....心态逆转大法啦～

唔知系你心目中对自己既工种有几自信啦，但就算系做清洁，拎行李等等一般被忽视既工种，只要做得心态保技良好，系佢工作范围上做到卓越，都应该为自己称上“师级“的认可吧！

最重要的，唔应该靠人地对你既认可去判定你工作既成果，对自我既认同更为重要和令你走得更远...