我有乜特別??

喺好多入學試，interview入面通常考官或者老師都會問：你有咩特別呀？我哋點解要請你？

當時你都一定會講到自己有幾出眾，幾有能力，幾多技能， 識砌電腦，excel，打字， 甚至乎吹到 好似自己一人之下萬人之上甘，聽落就好似一個運籌在握既大將軍甘多豐功偉績

但實際上一到夜闌人靜嘅時候你總會喺度思考你嘅人生 究竟我有啲咩畀人哋叻又有啲乜嘢特別？

論學歷：週街都係大學生，論身高：每次拎廚櫃上面嘅茶包都要趷高先拎到， 論外貌：每日都聽到有人話你似邊個邊個....
無錢無樓無父幹，人地生出黎就享受人生，我生出黎唔通就白過一生？

如果要我諗樣自己既特別之處，就一定係諗到自己有啲咩咁特別。

冇錢都仲要淨係做兼職唔做全職？ 發達就冇我份啦，但係就每個月都賺多幾日嘅時間去陪屋企人，去俾自己發下夢，規劃下人生；
個樣無特色？就唔怕做左啲咩𤓓野俾人記一世；
無父幹無高學歷？就令我細細個就唔依賴人，知道要自力更新，學歷唔夠就學多幾範，學海無涯~

有工作既時候就出盡力去做，唔好留有遺憾，少工作既時候就放慢腳步，欣賞下身邊既小事物，藍天白雲，深呼吸一口氣令自己既人生得已喘息，用可持續既無限loop模式過人生;

人最特別就係有想法，有將缺陷改正的想法， 當建立咗正面嘅思維好事就會接踵而來(吸引力發則好似係甘講~)

我有啲咩特別？就係我特別唔怕自己唔夠特別～

Y(ou)O(only)L(ive)O(nce)~