奇门遁甲 香港 2022年流年运程

2022年 以古法奇门遁甲 角度去看 香港整体流年运程

香港人 又空亡 ，无乜方向，又入墓，又懵懵下，唔知想点，反正都唔知想点：安守为妙，轻举则凶

大家最关心钱方面 ，头先讲左，以守为上策，同样，于财运方面，有金克木之象，想揾多啲，但辛苦得来，又难揾到，幸好有两颗星做左右门神帮下手，太阴同天辅，提议大家心思细密多点，揾朋友倾下绝对对自己有利，小买小卖无所谓，大大旧去投资，真系谂真啲，揾人倾下先好做，今年揾钱不但不容易，更是难呀，不论楼市同金融市场，安守为妙，轻举则凶。

第二样大家担心疫情，几时有得出去旅游呀？香港尚可把得住关，卦象说出，先动者败。还是等到新型变种细菌，较稳定才安心出游，反正香港境内，仲有好多野未玩未食，留港消费住先。旅游旺季，通常都会冲住出去玩，如果真系忍唔住，出外旅游时，切勿过于兴𡚒，忘记自己，家人及友人安全，得意忘形，小心有交剑血光之象，特别留意交通方面，我都系说：安守为妙，轻举则凶。

第三样，香港人出名勤力，工作又方面点呀？又无得出游放电，又怕疫情波动，心情都差啲。工作方面，朱雀投江，香港人依然会好有责任做好工作，香港人特质，我地坚守到。同样，急都系香港人性格，但唔好因为急住做好工作，而妄动妄语，小心网上文书是非，你知啦，网上世界骗子多，执法又严谨，一唔小心，做错有官吏来访，呢铺真系唔洗捞啦，工作唔好死冲，是泄气之象，依然系个句，安守为妙，轻举则凶。