奇門遁甲 香港 2022年流年運程

2022年 以古法奇門遁甲 角度去看 香港整體流年運程

香港人 又空亡 ，無乜方向，又入墓，又懵懵下，唔知想點，反正都唔知想點：安守為妙，輕舉則凶

大家最關心錢方面 ，頭先講左，以守為上策，同樣，於財運方面，有金剋木之象，想揾多啲，但辛苦得來，又難揾到，幸好有兩顆星做左右門神幫下手，太陰同天輔，提議大家心思細密多點，揾朋友傾下絕對對自己有利，小買小賣無所謂，大大舊去投資，真係諗真啲，揾人傾下先好做，今年揾錢不但不容易，更是難呀，不論樓市同金融市場，安守為妙，輕舉則凶。

第二樣大家擔心疫情，幾時有得出去旅遊呀？香港尚可把得住關，卦象說出，先動者敗。還是等到新型變種細菌，較穩定才安心出遊，反正香港境內，仲有好多野未玩未食，留港消費住先。旅遊旺季，通常都會衝住出去玩，如果真係忍唔住，出外旅遊時，切勿過於興𡚒，忘記自己，家人及友人安全，得意忘形，小心有交劍血光之象，特別留意交通方面，我都係說：安守為妙，輕舉則凶。

第三樣，香港人出名勤力，工作又方面點呀？又無得出遊放電，又怕疫情波動，心情都差啲。工作方面，朱雀投江，香港人依然會好有責任做好工作，香港人特質，我地堅守到。同樣，急都係香港人性格，但唔好因為急住做好工作，而妄動妄語，小心網上文書是非，你知啦，網上世界騙子多，執法又嚴謹，一唔小心，做錯有官吏來訪，呢鋪真係唔洗撈啦，工作唔好死衝，是洩氣之象，依然係個句，安守為妙，輕舉則凶。