一段錯過嘅緣份

話說就參加左個既活動

係一個獎勵計劃咁

簡單就係行山同義工咁

行就係行3日2夜既山

 

係行山之前我地要計劃好

所以要進行一啲匯報比導師知道

同合乎佢地要求去做

因為佢地都有一啲任務要我地完成

 

咁係做匯報就唔係只有自己嗰間學校

所以梗係同其他學校一齊組隊

咁就同左一間學校一齊

有兩個女仔加一個男仔

 

我都唔知點解，係機緣巧合之下

同另外一組既女仔傾起上黎

傾傾下先知道佢哋係女校黎既

咁之後就自自然然咁傾下

 

到到正式行山既時候

一開始行都ok既

兩個女仔仲同個男仔唱歌

仲要唱西班牙文…

但之後行行下就開始難行

因為開始無左梯級

咁身為gentlemen既我

梗係扶下佢地

咁當然佢地係唔理我

最後我就舉着隻左手

而佢地就係我身邊行過

 

後來越嚟越難

就開始需要我嘅幫助

之後既旅途就開始多左交流

仲約左佢地夜晚一齊傾下計

 

到夜晚五六點左右

因為冬天所以比較快入夜

咁我哋就開始煮嘢

兩餸一湯

臘腸飯

蕃茄香腸

金菇肥牛

蕃茄湯

 

分配工作既時候

仍然無人問識唔識煮嘢食

咁比左一個唔識煮野食既女仔

叫左佢去煮飯

之後生米…

好彩係用明火

加少少水煮返耐少少就搞番掂

 

之後又見翻女校果個女仔

我地就用左啲金菇肥牛

同佢地換左啲雞肉

仲同佢講左夜啲

黎我地個營到玩

 

到左夜晚我地就一齊入左一個營到玩

兩男兩女，玩遊戲

咁少不了真心話大冒險

想下遇到最尷尬既事

拍過幾多次拖

到我既時候要我展示我既六舊腹肌

果個女校既女仔唔信我有

當年我係咩隊咩隊

只不過而家六合一左姐

我捉住佢隻手比佢感受下我六舊腹肌

仲講下鬼故事

海龜湯玩玩下你晚左

男同女其實係要分開瞓既

咁仲會有導師巡營既

但好彩就冇比佢地捉到我地玩

玩到夜就唔想走

咁就四個人就一齊訓左

到到訓醒左之後

 

嚇左我一跳

因為個營得返我同佢（女校）

仲要係額頭貼額頭

差少少就嘴唇就掂到

 

有一瞬間我真係想錫落去

不過我冇咁做到

 

雖然之後我有交換到iG

但係都無再聯絡