營銷策略 之 一蚊雞的故事

營銷策略 之 一蚊雞的故事

 

 「二仔底、死跟！」

這是我們香港人流行的述語。

在限乜令限物令之下，飲食業的確是慘淡經營，不過亦有人殺出一條血路。

繼一蚊「雞」後，稻香又來一招$1 羊腩煲，問你「死未」！

在剛剛入秋，果然8:30後門口排到街尾，足以證明客人是「忠誠」於 「jetso 」。你估埋單可唔可以$1落到樓？尤其是酒樓，好多無形「洗費」：茶芥、酸菜、啤酒、汽水及加一等，總之人出🐔，你出豉油都點乾你, 尤其是食食下唔經唔覺，加多兩碟菜，咁就「乜仇都報哂啦」！

引證了燊哥的名句：「唔怕你精、唔怕呆，至怕你唔來！」。

等啲羊群入哂嚟，先至慢慢「劏」。

所以話：越識計數的人、越賺唔到錢！燈油火蠟幾多錢、人工幾多錢、材料成本幾多錢等……..計計埋埋，當然唔止賣$1 煲啦！ 唯有咪痴痴地等「顧客光臨」？更閙稻香做壊個市等等，不過鬧完之後要唔要「交租」呢？呢啲咪叫做「齋up」囉！

但富臨亦唔執輸，馬上登報$1煲羊腩，一於「二仔底死跟」。反正自己又冇乜「新招」，跟人尾起碼能分一杯羹，好過「齋坐」等運到！

呢個故事教訓我哋墨守成規，靠學院派的會計制度去經營生意……….

儍B !

 

「我會為自己找尋機會，

但你卻在樹下等待機會！」