同一斜路上（一）咩系Slasher Admin？(¬_¬)做左一个月Slasher想唔做

 

大家好，我系一个月前出过文，因为太多嘢想做，又未揾到长工，所以想做一个slasher，终于有时间做下定期报告；

 

「终于有时间，啫系好多工作啦。」

 

唔系，反而决定左做slasher后，jobsxx同indxxd多咗好多好长工，明明之前无嘅。好似街边截的士咁，当伸手去截车时方圆十里都会无的士，放弃去坐其他车嘅时候的士大佬就会浦晒头。当开始有一两单小job占据平日时间表，就唔可以做长工，洗湿个头就硬住头皮嘅情况。

 

「咁都唔洗咁快放弃啫，都叫有野做啊。」工作系有，但系自己嘅admin嘢都多。

 

Slasher Admin，啫系锁碎事，例如接job时同客沟通、brainstrom、排时间表、屋企买咩零食……通通都系做slash嘅时候要费神嘅事。网络上花花世界太多工作，系咪渔翁撒网咁申请晒呢？做边啲好呢？……谂谂下，自己就喺comfort zone思考左一个钟。谂返转头，长工就系自己专心做好自己分到嘅工作，但Slasher系自己晒全部工作，加上做唔好客人就唔会回头，当中压力都唔细。

 

「有几难啊，手板眼见功夫啫。」唔系咁易㗎师傅。

 

例如人人都知道每日要饮8杯水，但做紧野嘅你系唔会想去茶水间湛水，就算你唔系喺度做紧咩重要野事，例如上网睇紧ig，都比锁碎事重要，因为手板眼见嘅小事，可以拖嘅就拖左先，哩个系人嘅本性，都系我作为slasher要面对嘅自己嘅坏习惯。

 

哩个就系问题啦。每一个人都可以决定「自己跳出黎做」，但又系唔系适合出黎做呢？人人将「跳出comfort zone」放喺咀边，又点先系跳得好零水花啊。

 

因为跳出comfort zone后，真正问题依加先开始浮面。

 

当然啦，我都冇谂住放弃学做一个slasher，跨过愈多高墙，自己可以做嘅嘢就愈多。Slasher同打工唔同嘅，开头嘅停滞不前令我了解到，所谓时间管理唔止系管schedule book，而系对工作考虑，仲有Slasher Admin；接唔接、点处理、应酬客人、报告进度……唔好怕去面对手板眼见功夫，先系成为Slasher第一步。