【工作與生活】彈性工作時間，你真的渴望擁有？

愈來愈多公司推動彈性工作時間 (Flexible Working Hours ) ，對年青工作者而言都係一個唔錯既 Selling point。

假如某天同舊同學聚會食飯吹水夜左，第二日返晏一兩個鐘；又或有日想去銀行處理私人事務，推遲一個鐘返工，安排時間變得靈活容易，聽落好似係幾正幾爽，但諗深一層，其實凡事都係兩面睇：

彈性工作時間不一定真的很彈性

一般打工仔都係在一個團隊裡面與他人合作，經常性要開會同其他人夾工作，除非你在公司不需要與其他人合作，否則，要開會討論細項既時候，總要夾返大家齊人，呢個時候其實又係要去夾返唔同人既時間，彈性工時並不一定彈性。

更差既情況可能係，制度對公司來講彈性，對員工唔彈性，例如員工可能要靈活地配合公司業務，調節上班時間，變相隨時要Standby 工作，壓力反而大左。

彈性上班時間，讓工作時間和私人時間含糊不清

針無兩頭利，員工可以彈性的安排上班下班時間，但同時變相令到下班時間含糊不清，朝9晚6清晰的上班時間，在下班後員工可以大條道理地下班「真正收工」；但是於彈性上班時間的制度下，上班下班時間對於每個同事來講都不同，假若遇上一些老闆或上司喜歡在臨收工安排職責，真係唔知收唔收工好。

下班時間不清晰，變相亦令私人時間難以安排，唔知約人幾點收工食飯睇戲好。

有些公司會以彈性工作時間剝削員工

由一位做QA 既朋友口中聽講，曾於一家有所謂彈性工時的公司上班，由於工作上要配合Designer 的設計工作，待Designer 完成設計後再做相關 Testing，不幸地該公司的Designer 都慣了「晏返晏走」，咁情況下，變左即使自己的手頭既工作已完成，但因為要等埋 Designer 當天將近完成的設計修改，再作最後 Testing，結果要呆呆陪OT 等到8點仍未能收工，變相陪 OT，最有趣是老闆期望這種情況種發生。

對於這種以彈性工作時間為由，期望員工隨時Standby 工作，使員工工時變長，彷彿是剝削員工的一個美麗籍口。

針無兩頭利，有利有弊

總體來說，彈性工作時間固然有它的好處，尤其對於一些Project-based 的工種來說，讓員工最舒適地安排自己工作時間，能提升業務效率，又讓員工活用時間；但對於相對工時穩定的工種來說，似乎不一定是利多於弊，又或對於有些性格較追求穩定的人來說，會更傾向傳統固定上班時間的規律生活。

本文為HKESE 原創編撰，原有轉載必須註明出處。