呼籲恐同人士早日「出櫃」

1，大叔的愛紅出娛樂圈

其實影視作品中有同性戀情節一D都唔出奇，隔離公仔箱台一早都有，例如《衝啊！瘦薪兵團》、《談情說案》、《仁心解碼》等都有同性戀嘅劇情同角色，電影中更有《春光乍洩》等經典。難得呢套收視得幾點嘅劇集成功衝出娛樂圈，引到部分其他人士注意，仲要細心到知道呢套劇好甜，相信劇集嘅團體都會好開心。

 

2，恐同即深櫃

 

有人話「恐同即深櫃」，要理解呢句說話，首先要解釋下咩叫深櫃。深櫃喺指躲在櫃子深處不願意顯露自己性取向，同「出櫃」剛剛相反。而恐同即深櫃，意思喺越喺對同性戀恐懼，越喺有可能喺一個深櫃人士。

 

「恐同即深櫃」亦得到科學嘅支持，目前任職美國羅徹斯特大學心理學教授嘅Richard Ryan發表過一個研究，佢指對恐同思想越喺抱有激進想法嘅人，佢實際上就越有同性戀嘅傾向。佢指恐同與同性戀之間存在強大嘅關聯效應，因為呢D強烈嘅恐同感覺反映緊一種自我反思，因此恐同者會覺得同性戀倍感威脅，其實呢個喺佢哋害怕自己表現出同性戀行為嘅表現。

 

美國著名反同性戀政策嘅福音派領導人Ted Haggard，被揭發與男妓嘅性醜聞而辭職。

美國最大矯正同性戀機構—走出埃及前主席Alan Manning Chambers 最後發現祈禱冇辦法幫助自己成為異性戀而決定出櫃，並且解散組織。

美國著名反同性戀參議員Larry Craig，因涉嫌猥褻男子而被捕。

仲有創立性取向''矯正''機構、主張同性戀治嘅McKrae Game亦出櫃，並指同性戀不是病，不需要治療，並向公眾道歉。

 

可見「恐同即深櫃」呢句說話不是無稽之談，呢D喺營光幕前高調反同嘅著名人士，正正喺相當著名嘅深櫃恐同者案例。所以在此呼籲，所有恐同人士早日「出櫃」。

作者： Ronnie

90後Marketing從業員，熱愛任何有冷氣的地方，喜歡電影、喜歡貓、喜歡電動、喜歡偷懶，也喜歡寫作，但只限可以偷懶的時候。

 

想閱讀更多文章請Follow IG：@ronnie_blog