《大叔的爱》里嘅3种爱情观，你属于边种？

《大叔的爱》里嘅3种爱情观，你属于边种？

12集播出后纸巾供应一度紧张，不过按照预告，睇嚟万恶嘅编剧似乎唔打算放过大家。呢套剧明明以喜剧作定位，但慢慢卸去糖衣包装后，包藏嘅喺一段又一段令人纠结嘅关系，从20年嘅谎言婚𬘡揭开故事序幕，入面嘅每段剧情都代表咗唔同嘅爱情哲学，以下盘点3个大叔的爱带比我哋嘅爱情观，睇睇你属于边种？。

 

1，渣渣田：「拖」到世界尽头

面对中年同性已婚上司疯狂追求，渣渣田采取「拖」字诀，冇直接拒绝之余更加多次选择逃避问题。后来被Francesca（简慕华饰）逼做间碟，然后夹喺两人中间，直到被大婆质问依然都喺唔敢面对问题，连呀牧都睇唔过眼，叫佢应该一早讲清楚，渣渣田竟然回答：「我先喺受害者啊。」

呢场荒谬嘅三角关系，最大受害者当然喺Francesca，呀牧明，观众明，得呀田唔明。如果一开始同KK、或者Francesca讲清楚，喺咪就避免咗呢场闹剧，唔会越搞越麻烦继续伤害其他人呢？

 

2，Francesca：豁达型

拎得起，放得低，讲就易，但唔喺咁多人做到。同呀田相反，Francesca喺全套剧最成熟、最有智慧嘅女人，连PlayBoy Louis 都拜倒佢裙下。呢个女人不得了，面对KK提出离婚，果断找出问题所在，到最后终于揾到自己一直追求紧嘅答案，依然坦然面对自己失婚，愿意放手。

 

自己老公原来钟意男人，20年来嘅婚姻原来喺一个大话，冇咩人类可以接受得到。前期Francesca为咗揾出小三，几近疯狂，威逼利诱跟踪占卜样样齐，争在未学隔离台咁出侦探玩埋争身家。苦苦纠缠，终于缠到个''真相''返嚟，点知发现自己嘅20年青春喺一个天大嘅笑话。

 

正常女人唔喺三上吊就去咗睇心理医生㗎啦，我哋嘅最强女角就当然唔会。最后佢坦然面对自己嘅失婚，唔再挣扎，选择放手。其实成20年感情，边可能就咁话摆低就摆低，边可能无怨无恨呢？又或者，KK钟意男人喺真，但佢对Francesca嘅感情唔代表喺假。咁多年来，KK一直遵守承诺，将Francesca当成''世上最幸福的女人''对待，明白到呢一点嘅Francesca，知道老公钟意女人喺假，但对自己感情喺真，所以衷心感谢呢20年的陪伴，亦豁达放过自己。

 

3，大支牧：抽身斩缆止蚀型

呢套又名为《呀牧受难记》，上演咗呀牧花式360度被虐，被前任Hurt完到呀田个衰仔Hurt。牧呀牧，你真喺人如其名，以为自己喺碌木可以咩都顶得顺、无所谓、揽晒上身？呀田个衰仔真喺好迟顿㗎，你仲要咩嘢都收收埋埋，选择自己一个承受，你唔讲人哋点知你点谂姐？

 

其实由始至终，最唔睇好呢段感情嘅就喺呀牧，而渣渣田嘅冷暴力加剧咗呢种嘅不自信。当渣渣田喺度苦恼紧KK嘅感情进击嘅时候，完全忽略咗一旁一直照顾自己、被前度缠扰嘅呀牧。当渣渣田喺度烦紧芊芊嘅异常举动嘅时候，佢又忽略咗呀牧嘅醋意同失望。当渣渣田拍拖后闪闪缩缩，仲在意紧其他人点睇自己嘅时候，佢又再一次完全忽略咗呀牧嘅难过。

渣渣田一次又一次的冷暴力，令牧对呢段感情彻底失去信心，再加上佢觉得被佢拗挛咗的呀田，迟早都喺会行返条揾大波妹结婚生仔嘅路，咁不如喺自己进一步泥足深陷之前早D抽身斩缆，成全对方。

 

大叔的爱总结

以上3种，你又属于边一种？虽然剧情好笑好嬲又好虐，每晚被Viutv搞到精神分裂咁。但自从有咗Netflix，我都好耐冇每晚坐喺电视机面前乖乖追剧，仲每日同朋友同事开心讨论剧情，咁都要多谢大叔嘅一众团队嘅。呢套剧太多人表现有惊喜，最惊喜就喺套剧尊重剧情之余，对白又港味十足接晒地气，希望团队再接再厉啦！到最后，渣渣田！回头是岸啦！快D追返人啦！